19.12.2025 | 14:28
Ֆինանսների նախարարության նախկին պաշտոնյան ԵՄ-ից շուրջ 972 միլիոն դրամ է հափշտակել
Վրաստանի իշխանությունները կարող են սուբսիդավորել Երևանով տարանցիկ չվերթները ՌԴ-ից
Տնտեսություն
25.07.2019 | 15:42
Վրաստանի իշխանությունները պատրաստ են առանց ԱԱՀ-ի շուրջ 1.2 մլն եվրո հատկացնել՝ Ռուսաստանից դեպի Թբիլիսի և Բաթումի Երևանով տարանցիկ ավիաչվերթները սուբսիդավորելու համար: Այս մասին գրում է «Սպուտնիկ Գրուզիա»-ն՝ վկայակոչելով Կառավարության որոշումը:
Որոշման համաձայն՝ սուբսիդավորման մասին պայմանագիր կկնքվի առնվազն երկու ավիաընկերության հետ, որոնք Ռուսաստանից Հայաստանով տարանցմամբ Վրաստան են թռչում:
Յուրաքանչյուր ուղղության համար փաստաթղթերը կստորագրվեն մեկ տարուց ոչ ավելի ժամկետով, իսկ սուբսիդավորման հավակնող ավիաընկերությունը յուրաքանչյուր վրացական օդանավակայան շաբաթական առնվազն 2 տարանցիկ չվերթ պետք է իրականացնի:
Վրաստանի Կառավարությունը որոշել է, որ Ռուսաստանից Վրաստան ժամանող ցանկացած ուղևորի համար սուբսիդավորման վճարը կկազմի շուրջ 90 եվրո՝ առանց ԱԱՀ-ի, իսկ յուրաքանչյուր ավիաընկերության հետ համաձայնագրի ընդհանուր գումարը չպետք է գերազանցի 600 հազար եվրոն՝ դարձյալ առանց ԱԱՀ-ի:
Նշենք, որ ՌԴ-ի և Վրաստանի միջև ուղիղ ավիահաղորդակցությունը դադարեցվել է հուլիսի 8-ին՝ հունիսի 20-ից Վրաստանի մայրաքաղաքում հակառուսական ակցիաների ֆոնին:
