12.12.2024 | 14:23
Թրամփը Սի Ցզինպինին հրավիրել է իր երդմնակալությանը․ CBS News
«Շերեմետևո»-ում ավիասանդուղքը հարվածել է Մոսկվա-Երևան չվերթի օդանավին
25.07.2019 | 14:51
«Շերեմետևո» օդանավակայանում Մոսկվա-Երևան չվերթի օդանավի մասնակցությամբ միջադեպ է տեղի ունեցել: Ինքնագնաց ավիասանդուղքը մոտենալիս հարվածել է օդանավին: «Շերեմետևո»-ի մամուլի ծառայությունից ՌԻԱ Նովոստիին ասել են, որ օդանավը լուրջ վնաս չի կրել, «միջադեպը չի ազդել ուղևորների օպերատիվ և որակյալ սպասարկման վրա»:
Նշենք, որ խոսքը չվերթն իրականացնող NordWind ավիաընկերության Boeing 737-800 օդանավի մասին է:
«Ավիաընկերությունն օդանավը հեռացրել է չվերթներից՝ տեեխնիկական վիճակը գնահատելու համար: Միջադեպի պատճառները պարզվում են: Ավիաընկերությունը պահուստային օդանավ է տրամադրել»,- նշել են ավիաընկերության մամուլի ծառայությունում:
Վերջին օրերին սա Մոսկվա-Երևան չվերթն իրականացնող օդանավի մասնակցությամբ արդեն երկրորդ պատահարն է: Հուլիսի 19-ին էլ նույն ավիաընկերության օդանավում ծխի առաջացման պատճառով ուղևորներին տարհանել էին փչովի սանդուղքով, իսկ չվերթը սպասարկել էր ընկերության պահուստային օդանավը:
