15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Վանաձորի ԲԿ-ի նախկին ծննդատունը տրվեց Կադաստրի կոմիտեին՝ 900 մլն դրամ ներդրումով նոր ստորաբաժանում ունենալու համար․ ՏԵՍԱՆՅՈՒԹ
Քաղաքականություն
18.07.2019 | 12:38
Կառավարությունը հուլիսի 18-ի նիստում ընդունեց Վանաձորի բժշկական կենտրոնի՝ նախկին ծննդատան շենքն իր կից տարածքներով Կադաստրի պետական կոմիտեին հատկացնելու մասին որոշման նախագիծը, որի արդյունքում ստեղծվելու է կոմիտեի նոր ստորաբաժանում։
Ներկայումս Կադաստրի կոմիտեն իր աշխատանքներն իրականացնում է 5 տարբեր ստորաբաժանումներում, որտեղ էլ պահվում են արխիվային գործերը, իսկ այս որոշմամբ դրանք միասնականացվելու են Կադաստրի պետական կոմիտեի արխիվային աշխատանքների հետ։
Որոշման նախագիծը Կառավարության համաձայնությանը ներկայացնող Կադաստրի պետական կոմիտեի ղեկավար Սահրատ Պետրոսյանի խոսքով՝ Վանաձորի ԲԿ-ի չգործող ծննդատան գույքն իրենց կոմիտեին ամրացնելուց հետո նախատեսվում է 900 մլն դրամ ներդրում կատարել և ունենալ ժամանակակից ստորաբաժանում։
«Կատարելով 900 մլն դրամի ներդրում, մենք ազատելու ենք մոտ 2․5 մլրդ դրամի պետական գույք, որոնք այսօր Երևանի կենտրոնում և Հայաստանի տարբեր հատվածներում օգտագործվում են կադաստրային արխիվների աշխատանքների իրականացման համար»,- ասաց Սահրատ Պետրոսյանը՝ նշելով, որ Վանաձորում Կադաստրի այս նոր ստորաբաժանման գործարկման պարագայում աշխատողների թիվը հասցնելու են 120-ի։
Մանրամասները՝ տեսանյութում։
