05.07.2026 | 01:14
«Ուիմբլդոն». Կարեն Խաչանովը դուրս է մնացել պայքարից
Ինչո՞ւ են 36 հոգանոց ցուցակից բերման ենթարկել 19-ին, ո՞ւր են մնացածը․ Փաշինյանը՝ փոխոստիկանապետին․ ՏԵՍԱՆՅՈՒԹ
Քաղաքականություն
18.07.2019 | 11:41
Երեկ Իջևան քաղաքում անթույլատրելի գործողություններ են տեղի ունեցել․ ապօրինի ծառահատումներ իրականացնող քաղաքացիների կողմից կազմակերպված ակցիայի մասնակիցները չեն ենթարկվել ոստիկանների օրինական պահանջներին և վնասվածքներ են հասցրել նրանց․ այսպիսով ապօրինի ծառահատումներ իրականացնող մարդիկ փորձել են ապօրինի պայմաններ պարտադրել կառավարությանը, ուստի միանգամից ասեմ, որ նման ցանկացած փորձ արժանանալու է ամենակոշտ հակազդեցության. այս մասին այսօր Կառավարության նիստի մեկնարկին, անդրադառնալով երեկ Իջևան քաղաքում տեղի ունեցած իրադարձություններին, ասաց ՀՀ վարչապետ Նիկոլ Փաշինյանը՝ նիստին մասնակից Ոստիկանության պետի տեղակալ Վարդան Մովսիսյանին խնդրելով մանրամասներ ներկայացնել միջադեպից։
Ոստիկանապետի տեղակալը կառավարությանը տեղեկացրեց, որ մոտ 500 հոգով երեկ փակել են մայրուղին և պահանջել, որ բացեն Դիլիջանում տեղակայված այն անցակետը, որն անհնար է դարձնում ապօրինի հատված ծառերի տեղափոխումը մայրուղով։
«Մոտ 500 հոգի փակել էին ճանապարը, ոստիկանները պատ կազմեցին և այդ ժամանակ էլ տեղի ունեցավ բախում․ բողոքավոր հատվածը քարերով, փայտերով մահակներով վնասվածքներ պատճառեցին ոստիկաններին՝ 12 հոգու․ որոնք տեղափոխվել են հիվանդանոց, ևս երկու հոգի էլ տեղափոխվել է Իջանի ԲԿ։ Փառք Աստծո, վնասվածքները լուրջ չէին, 8 հոգի այժմ հոսպիտալացված է Ոստիկանության հոսպիտալում, նրանցից 6-ը դուրս կգրվեն, իսկ 2-ը կմնան հսկողության տակ։ 19 հոգի բերման է ենթարկվել, որոնցից այս պահին 13 ձերբակալված է, իսկ մնացածը բաց են թողնվել ստորագրությամբ»,- երեկ տեղի ունեցած միջադեպից մանրամասներ ներկայացրեց ոստիկանապետի տեղակալը։
Նիկոլ Փաշինյանի դիտարկմանը, որ իր տեղեկություններով, պետք է բերման ենթարկվեին 36 հոգի, ինչու է այդ ցուցակից բերման ենթարկվել միայն 19 հոգի, ոստիկանապետի տեղակալն ասաց, որ այդ 36 հոգուց կարողացել են միայն 19-ին բերման ենթարկել, քանի որ մյուսները լքել են իրենց բնակության վայրերը։
Փոխոստիկանապետը տեղեկացրեց նաև, որ Ոստիկանությունը բացառել է այդ մարդկանց՝ ՀՀ-ն լքելու տարբերակը և ուժեղացված ծառայություն է իրականացվում նրանց հայտնաբերելու ուղղությամբ։
Ոստիկանության պետի տեղակալը նաև հայտնեց, որ այս պահին իրավիճակը վերահսկվում է, մայրուղիները բաց են, ոստիկանապետը գտնվում է Իջևանում, անցկացվում է ուժեղացված ծառայություն։
Մանրամասները՝ տեսանյութում։
