15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Նրանք, ովքեր ասում են, որ Քոչարյանը քաղբանտարկյալ է, նրանք, նշանակում է, ասում են, որ ես իրավունք ունեմ ՀՀ ԶՈՒ տանկերը մտցնել Երևան ու ցանկացած ընդդիմադիր դրսևորում տանկերի թրթուրների տակ ճզմել. Նիկոլ Փաշինյան
Քաղաքականություն
17.07.2019 | 20:17
«Դուք լինելով նախկին քաղբանտարկյալ, ավելի քան 3,5 տարի բանտում եք եղել, հիմա ի՞նչպես կմեկնաբանեք Ռոբերտ Քոչարյանի այն պնդումները, որ ինքը քաղբանտարկյալ է»,- «Ազատություն» ռադիոկայանը հարց ուղղեց ՀՀ վարչապետ Նիկոլ Փաշինյանին:
«Բոլոր նրանք, ովքեր ասում են, որ Ռոբերտ Քոչարյանը քաղբանտարկյալ է, նրանք, նշանակում է, ասում են, որ ես այսօր իրավունք ունեմ Հայաստանի Հանրապետության Զինված ուժերը, տանկերը մտցնել Երևան քաղաք և ցանկացած ընդդիմադիր դրսևորում տանկերի թրթուրների տակ ճզմել»,- պատասխանեց ՀՀ վարչապետ Նիկոլ Փաշինյանը, ապա մի պահ դադար տալուց հետո շարունակեց. «Որևէ մեկը իրավունք չունի այդպիսի բան անելու, ուրեմն Ռոբերտ Քոչարյանը չի կարող քաղբանտարկյալ լինել: Եթե Քոչարյանը քաղբանտարկյալ է, ուրեմն ասում ենք, որ Հայաստանում տենց ա մեր մոտ, հենց տեսնում ենք, որ իշխանությունը կորցնում ենք, ի՞նչ խնդիր կա, տանկերը բոլոր տեղերից կհավաքենք, կմտցնենք Երևան քաղաք ու ՝ դե եկեք վերցրեք իշխանությունը, տեսնեմ ո՞նց եք վերցնում: Շատ պարզ տրամաբանություն է»:
