Տնտեսություն
17.07.2019 | 12:39«Գազպրոմ Արմենիան» և «Հայաստանի էլեկտրական ցանցերն» այս տարի բավականաչափ մեծացրել են իրենց շահույթները․ մասնավորապես՝ «Գազպրոմ Արմենիան» 2017 թվականին արձանագրած 9,3 մլրդ դրամ վնասի համեմատ 2018 թվականը փակել է 14,9 մլրդ դրամ շահույթով, իսկ ՀԷՑ-ը՝ 2018 թվականը փակել է 10,7 մլրդ դրամ շահույթով, որի մեջ զգալի մեծ թիվ է կազմում ֆինանսական ծախսերի օպտիմալացումը։
Այս մասին այսօր «Զանգվածային հոսանքազրկում. պաշտպանվա՞ծ է ՀՀ էներգետիկ անվտանգությունը» թեմայով քննարկման ժամանակ ասաց Ազգային ժողովի «Իմ քայլը» խմբակցության պատգամավոր Արտակ Մանուկյանը։
Պատգամավորի խոսքով՝ մենք կարող ենք օգտագործել մեր երկրում առկա պոչամբարները՝ դրանք մաս դարձնելով ակտիվ տնտեսական շրջանառությանը, օրինակ, պոչամբարների վրա արևային էլեկտրակայաններ տեղադրելով:
«Այժմ քայլեր են ձեռնարկվում այլընտրանքային էներգիայի միջոցների ավելացման համար, համապատասխան դաշտ է ստեղծվել ու այս ոլորտում հետաքրքրությունը մեծացնելու ուղղությամբ աշխատանքներ են տարվում»,- ասաց պատգամավորը։
Մանրամասները՝ տեսանյութում։
