29.03.2026 | 22:16
Հրդեհ ավտոմեքենայում․ տուժածներ չկան
Զենքի ուժով հարց լուծելը մեկընդմիշտ փակված է. Վարուժան Ավետիսյան. ՏԵՍԱՆՅՈՒԹ
Քաղաքականություն
17.07.2019 | 11:54
«Սասնա ծռեր» խմբի անդամ Վարուժան Ավետիսյանը վստահեցնում է՝ իրենք դեռ բանտից են հայտարարել, որ զենքի ուժով հարց լուծելու էջը մեկընդմիշտ փակված է:
«Այն ժամանակ ծայրահեղ անհրաժեշտության վիճակ էր, աղետը կանխելու վտանգ կար, բռնապետության տապալումն այդ աղետը կանխելու միջոց էր։ Այսօր, փառք Աստծո, մեր ժողովուրդը վերահաստատել է իր կամքը, իր իրավունքը և հիմա նման սպառնալիք մեր գլխին կախված չէ»,- ասաց Ավետիսյանը:
Անդրադառնալով իր կողմից նախկինում արված հայտարարությանը, թե երկու տարի անց նոր խորհրդարան ձևավորելու անհրաժեշտություն է առաջանալու, Ավետիսյանն ասաց. «Շատերն են հիմա նման կարծիք հայտնում, շուտով մենք նաև իշխանությանը մոտ կանգնած մարդկանցից ենք լսելու այդպիսի կանխատեսումներ։ Դա կյանքի, իրադարձությունների օբյեկտիվ զարգացումներով է պայմանավորված»:
Մանրամասները՝ տեսանյութում:
Լիլիթ Շաբոյան
