Հասարակություն
16.07.2019 | 13:25Արարատի մարզի Քաղցրաշեն համայնքի բնակիչները կառավարության դիմաց բողոքում են ոռոգման ջրի խնդրից: Նրանք պնդում են, որ ջուր չկա, այգիները չորանում են, իսկ խնդիրն այդպես էլ մնում է անլուծելի։
Քաղցրաշենցիները դիմելով վարչապետ Նիկոլ Փաշինյանին՝ ասում էին, որ նրան ստում են, սխալ են զեկուցում երկրում առկա խնդիրների մասին․ «Վարչապետ, մի օր արի մարզ, պատիվ կտանք, գառ կմորթենք, արի տես ինչի՞ ա սենց վիճակ, ի՞նչ ա իրականում կատարվում»։
Քաղցրաշենցիները ցանկանում էին փողոց փակել, ոստիկանները նրանց թույլ չտվեցին, որից հետո փորձեցին կառավարություն մտնել, սա ևս նրանց չհաջողվեց։ Համայնքի բնակիչներն ասում են՝ շարունակելու են իրենց ակցիան, քանի դեռ խնդիրը չի կարգավորվել։
Մանրամասները՝ տեսանյութում։
Լիլիթ Շաբոյան
