08.12.2025 | 18:29
ԱՄՆ-ի հետ բանակցությունները դեռևս չեն հանգեցրել Դոնբասի վերաբերյալ համաձայնության. Զելենսկի
Վերացվեց «Սասնա Ծռեր»-2-ի գործով ամբաստանյալներից շուրջ տասը հոգու՝ հարազատների հետ շփվելու արգելքը. «Փաստինֆո»
Հասարակություն
14.09.2017 | 19:48
«Սասնա Ծռեր»-2-ի գործով այսօրվա դատական նիստում դատարանը բավարարել է տեսակցությունների ու հեռախոսային խոսակցությունների արգելքը վերացնելու մասին պաշտպանական կողմի միջնորդությունները:
Ինչպես «Փաստինֆո»-ին հայտնեցին ՀՀ դատական դեպարտամենտի արարողակարգի և հասարակայնության հետ կապերի վարչությունից, դատարանը վերացրել է ամբաստանյալներ Արամ Մանուկյանի, Տիգրան Սարգսյանի, Արթուր Մելքոնյանի, Սերգել Կյուրեղյանի, Թորոս Թորոսյանի, Հովհաննես Վարդանյանի մերձավոր ազգականների ու ընտանիքի անդամների հետ տեսակցությունների և հեռախոսային խոսակցությունների արգելքը:
Դատարանը վերացրել է նաև ամբաստանյալներ Վարդգես Գևորգյանի, Մանվել Աթոյանի և Գառնիկ Հովակիմյանի հեռախոսային խոսակցությունների արգելքը՝ վերջիններիս տեսակցությունների արգելքն ավելի վաղ է վերացվել:
