05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
«Գուցե որևէ մեկի աշխատանքից հեռանալով հարցը լուծվի». նախարարը՝ սոցապծառայության խնդիրների մասին․ ՏԵՍԱՆՅՈՒԹ
Քաղաքականություն
11.07.2019 | 14:20
Ես տեղյակ եմ, որ համատեղ աշխատելու խնդիր կա և որոշակի գործողություններից ղեկավարն այնքան էլ բավարարված չէ: Այս մասին Factor.am-ի հետ զրույցում ասաց աշխատանքի և սոցիալական հարցերի նախարար Զարուհի Բաթոյանը՝ անդրադառնալով Սոցիալական ապահովության ծառայությունում առաջացած խնդիրներին:
«Այս հարցն իրենք քննարկում են, և վստահեցնում եմ, որ եթե ընդունվի որոշում, ապա այն կլինի օրենքի շրջանակում: Որևէ մեկի իրավունքը չի ոտնահարվի»,- նշեց նա:
Հիշեցնենք, որ մի քանի ամիս է՝ կառույցում տարաձայնություններ կան ծառայության ղեկավար Սուրեն Ղամբարյանի և աշխատակազմի միջև: Մասնավորապես, ծառայության պետի տեղակալ Արսեն Օհանյանը և գլխավոր քարտուղար Վանիկ Բաբաջանյանը հայտնել են, որ Սուրեն Ղամբարյանն իրենց դիմում գրելու և հեռանալու առաջարկություն է արել:
Զարուհի Բաթոյանն ասաց, որ մշտապես հանդիպումներ է ունենում և՛ սոցիալական ապահովության ծառայության ղեկավարի, և՛ տեղակալների հետ. «Դա լուծվող հարց է, լուրջ խնդիր չեմ տեսնում»:
Հարցին՝ լուծվելու է կողմերից մեկի աշխատանքից ազատմա՞մբ, թե՞, ի վերջո, կառույցում ընդհանուր հայտարարի կգան և կշարունակեն աշխատել, նախարարը պատասխանեց. «Իմ հանդիպումները և քննարկումները նպատակ են ունեցել բարելավելու աշխատանքը: Եթե դա չստացվի, ապա, գուցե, որևէ մեկի աշխատանքից հեռանալով հարցը լուծվի: Չգիտեմ»:
Մանրամասները՝ տեսանյութում:
Նարեկ Կիրակոսյան
