15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Արսեն Թորոսյան-էդուարդ Աղաջանյան բանավեճ՝ Կառավարությունում․ պատճառը ծառայողական մեքենաներն են․ ՏԵՍԱՆՅՈՒԹ
Քաղաքականություն
11.07.2019 | 11:55
Առողջապահության նախարար Արսեն Թորոսյանն այսօր կառավարության նիստում առաջարկեց նիստի օրակարգի երկու չզեկուցվող հարցերը զեկուցվող դարձնել, քանի որ ինքը դրանց վերաբերյալ ասելիք ունի։
Խոսքը վերաբերում է ծառայողական մեքենաներ առողջապահական տեսչական մարմիններին ամրակցելու մասին որոշման նախագծին և մեկ այլ նախագծի ևս, որով առաջարկվում է 73 ավտոմեքենա ամրագրրել բոլոր տեսչական մարմիններին:
Վարչապետի աշխատակազմի ղեկավար Էդուարդ Աղաջանյանը նշեց, որ այս թեմայի առնչությամբ գրառում էր արել «Իմ քայլը» խմբակցության պատգամավոր Էդգար Առաքելյանը, ով դեմ էր արտահայտվել «պադավատիզմին»:
«Այդ մեքենաները այսօր փաստացի օգտագործվում են տեսչական մարմինների կողմից և այս որոշմամբ ընդամենը կատարում ենք 2015 թվականի որոշման պահանջը, որ կառավարությունը պետք է հաստատի բոլոր մարմիններում ծառայողական ավտոմեքենաների առավելագույն թիվը: Դա հնարավորություն չի ստեղծի այդ մարմիններում հետագայում հավելյալ ավտոմեքենաներ ձեռք բերել»,-ասաց Աղաջանյանը՝ նշելով, որ խոսքը 6 տեսչական մարմնի մասին է, որտեղ հազարից ավելի աշխատող կա:
Առողջապահության նախարար Արսեն Թորոսյանը հակադարձեց, որ ամեն մի վարչությանը մեկ մեքենա է հատկացվում, ինչը նշանակում է, որ դրանք որպես կանոն վարչության պետերին են հասնում:
«Մեր տեսչական մարմինը 7 մեքենա է ստանալու, ես չեմ ասում՝ դա շատ է, թե քիչ, բայց այն տրամաբանությունը. Որ դրել ենք, այստեղ խախտված է»,-ասաց նախարարը:
Էդուարդ Աղաջանյանն էլ ի պատասխան նշեց․ «Ոչ, սխալվում եք, այդ 7 ավտոմեքենաները չեն ավելանալու»:
Մանրամասները՝ տեսանյութում։
