09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Արմեն Սարգսյանն ընդունել է «Մարիոթ Ինթերնեյշնլ»-ի ներկայացուցիչներին
Տնտեսություն
10.07.2019 | 18:41
ՀՀ նախագահի աշխատակազմից տեղեկացնում են, որ հանրապետության նախագահ Արմեն Սարգսյանն այսօր ընդունել է «Մարիոթ Ինթերնեյշնլ»-ի կառավարման խորհրդի համանախագահներ Ռայներ Սաքաուին ու Փենքաշ Բրլային և Հայաստանում նրանց գործընկեր՝ «Գալաքսի» ընկերությունների խմբի ղեկավարներին:
«Հյուրերը տեղեկացրել են «Մարիոթ Ինթերնեյշնլ»-ի կողմից Հայաստանում իրականացվող ներդրումային ծրագրերի ու աշխատանքների մասին: Մասնավորապես անդրադարձ է եղել «Գալաքսի» ընկերությունների խմբի հետ համատեղ Երևանում Marriott Courtyard հյուրանոցի կառուցման ծրագրին, որի բացումը նախատեսվում է հաջորդ տարի:
Նախագահը ողջունել է «Մարիոթ Ինթերնեյշնլ»-ի կողմից Հայաստանում գործունեությունն ընդլայնելու ծրագրերը՝ նշելով, որ մեր երկիրը խրախուսում է միջազգային ներդրումները և միջազգային հայտնի ապրանքանիշերի մուտքն ու գործունեությունը:
Հյուրերն ընդգծել են, որ իրենց համար հաճելի և հարմարավետ է աշխատել Հայաստանում, որտեղ ժողովուրդը հյուրընկալ ու բարյացակամ է: «Հաճույքով պատրաստ ենք ավելին անել Հայաստանում»,-ասել են նրանք:
