19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Էլեկտրաէներգիայի վթարի հստակ պատճառը հայտնի չէ. ատոմակայանին վտանգ չի սպառնում. փոխնախարար. ՏԵՍԱՆՅՈՒԹ
Տնտեսություն
10.07.2019 | 16:10
Տարածքային կառավարման և ենթակառուցվածքների փոխնախարար Հակոբ Վարդանյանն այսօր հրատապ ասուլիս էր հրավիրել, որի ընթացքում անդրադարձավ այսօրվա հոսանքազրկումներին․ «Այս պահին դեռևս հստակ ախտորոշված չէ պատճառը, բայց կայունությունը վերականգնված է, հաճախականության տատանումներ չունենք ու էներգահամակարգի արտադրական հզորությունները, մատակարարումը վերականգնում են»:
Փոխնախարարն ասաց, որ այս պահին դեռ հայտնի չէ, թե ինչն է եղել վթարի պատճառը․ «Մեր համակարգը սինխրոն կապի միջոցով կապված է իրանական էներգահամակարգի հետ և ցանկացած տատանում մեր երկրում զգացվում է իրենց մոտ և հակառակը: Վարկածներից մեկն այն է, որ հաճախականության հզոր տատանումը եկել է իրանական էներգահամակարգում տեղի ունեցած վթարից: Մենք մեր իրանցի գործընկերների հետ եղել ենք կապի մեջ, իրենք ևս փաստել են, որ իրենց մոտ նմանատիպ վթարներ տեղի են ունեցել նույն ժամանակահատվածում: Բայց 100 տոկոսանոց ասել, որ հաճախականության տատանումները եկել են իրանական էներգահամակարգից, այս պահին չենք կարող»։
Մանրամասները՝ տեսանյութում։
Լիլիթ Շաբոյան
