09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
ԱՄՆ-ը հնարավոր է դադարեցնի առևտուրը Չինաստանի հետ՝ Հյուսիսային Կորեայի պատճառով
Քաղաքականություն
14.09.2017 | 10:44
ԱՄՆ-ը կարող է դադարեցնել առևտուրը ցանկացած երկրի, որը բիզնես է վարում Հյուսիսային Կորեայի հետ՝ այդ թվում և Չինաստանի հետ: Այս մասին ասել է ԱՄՆ ֆինանսների նախարար Ստիվեն Մնուչինը. փոխանցում է ria.ru-ն:
«Մենք կարող ենք դադարեցնել առևտուրը յուրաքանչյուր երկրի հետ, որը բիզնես է վարում Հյուսիային Կորեայի հետ: ԱՄՆ-ը զգույշ կլինի այդ «գործիքն» օգտագործելիս»,- նշել է Մնուչին։
Պատասխանելով լրագրողի հարցին, թե ԱՄՆ-ը պատրաստ է դադարեցնել առևտուրը Չինաստանի հետ, ֆինանսների նախարարն ընդգծել է. «Ցանկացած երկրի հետ։ Որևէ մեկը բացառություն չի կարող կազմել»։
Նրա խոսքով՝ ԱՄՆ նախագահ Դոնալդ Թրամփը մտադիր է շարունակել տնտեսական ճնշում գործադրել Հյուսիսային Կորեայի վրա։ «Մենք գոհ ենք ՄԱԿ ԱԽ-ի՝ ԿԺԴՀ-ի դեմ սահմանած պատժամիջոցներից, բայց դա բավական չէ: Ֆինանսների նախարարությունը ևս կաշխատի նախագահի հետ՝ պատժամիջոցներն ընդարձակելու համար»,- ասել է նա:
