29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
«Այս պահին «Իմ քայլը» չունի ձևակերպված դիրքորոշում ՍԴ հարցով». Լիլիթ Մակունց. ՏԵՍԱՆՅՈՒԹ
Քաղաքականություն
09.07.2019 | 14:24
«Իմ քայլը» խմբակցությունն այս պահին որոշում չունի Սահմանադրական դատարանի հարցով: ՀՀ Ազգային ժողովում լրագրողների հետ զրույցում այս մասին ասաց «Իմ քայլը» խորհրդարանական խմբակցության ղեկավար Լիլիթ Մակունցը՝ պատասխանելով ՍԴ դատավոր Վահե Գրիգորյանի նամակի հետ կապված քաղաքական խորհրդակցություները, որոնց մասին խոսել է նույն խմբակցության պատգամավոր Նիկոլայ Բաղդասարյանը, ե՞րբ են անցկացվելու և արդյո՞ք ԱԺ-ն մեկ միասնական պատասխան է տալու:
«Խմբակցությունն այս պահին չունի որոշում, թե մենք ինչ ճանապարհային քարտեզով ենք առաջ շարժվելու՝ գնալու եք կոնսուլտացիաների՞, թե՞ այլ ճանապարհով: Մենք, իհարկե, ծանոթացել ենք նամակին, բայց չենք շտապում լուծումներով և առաջարկներով հանդես գալ»,- ասաց Լիլիթ Մակունցը:
Նա չբացառեց, որ կընդունեն Վահե Գրիգորյանի առաջարկը, միաժամանակ՝ չբացառեց, որ խմբակցությունն իր առաջարկով հանդես կգա:
Մանրամասները՝ տեսանյութում:
