02.09.2026 | 17:37
Թումանյանում ՏԻՄ ընտրությունների քարոզարշավը մեկնարկում է սեպտեմբերի 2-ին․ ԿԸՀ
Հանկարծահաս կամ հանկարծակի՞ է էս վիճակը Սևանի հետ կապված. Միքայել Մելքումյանը՝ Էրիկ Գրիգորյանին. ՏԵՍԱՆՅՈՒԹ
Տնտեսություն
09.07.2019 | 13:24
Հանկարծահաս կամ հարկարծակի՞ է Սևանի հետ կապված այս վիճակը: Այսօր ԱԺ արտահերթ նիստի ժամանակ շրջակա միջավայրի նախարար Էրիկ Գրիգորյանին հարց ուղղեց ԲՀԿ խմբակցության պատգամավոր Միքայել Մելքումյանը:
«Որ ջուրն աղտոտվել է, խոշոր եղջերավոր անասունների անկում է գրանցվում, ձկնատեսակները ոչնչանում են, պատահական, հանկարծակի տեղեկությո՞ւն է Ձեզ համար: Եվ ես ուզում եմ հասկանալ, թե Կառավարության նիստերի ժամանակ քանի՞ անգամ եք ներկայացրել այս հարցերը, թե՞ չեք ասել»,- հետաքրքրվեց պատգամավորը՝ հավելելով, որ ուզում է հասկանալ, թե այս իրավիճակի պատասխանատուն, հասցեատերն ով է:
Նախարարը պատասխանեց, որ ձկնատեսակների անկման հետ կապված որևէ հիմնավոր փաստ չի ներկայացվել, կենդանատեսակների անկման հետ կապված էլ պարզաբանում տրվեց, որ պատճառը ոչ թե Սևանի ջուրն է եղել, այլ առվույտը:
«Ըստ մեր տեղեկատվության՝ գյուղերին ուղղակի խորհուրդ են տվել, որպեսզի կենդանիներին մոտեցնեն լճին, ասեն, որ դա ջրից է եղել՝ նախատեսելով, որ պետությունը որոշակի փոխհատուցում կտրամադրի»,- ասաց Էրիկ Գրիգորյանը:
Մանրամասները՝ տեսանյութում:
