07.08.2026 | 17:20
Հայ շախմատիստները հաղթանակով են մեկնարկել Մ-20 ԵԱ-ում
Եկամուտների մուտքերը գերակատարվել են՝ հասնելով 63.5 միլիարդ դրամի. ՏԵՍԱՆՅՈՒԹ
Տնտեսություն
09.07.2019 | 12:04
2019 պետբյուջի մասին օրենքով հարկային եկամուտները պլանավորված էին 1 տրլն 403 մլն դրամ, այժմ այն 1 տրլն 407 մլն ՀՀ դրամ է: Այսօր հրավիրված ասուլիսում ամփոփելով 2019 թվականի առաջին կիսամյակի արդյունքները՝ հայտարարեց ՀՀ ՊԵԿ նախագահ Դավիթ Անանյանը։
«Առաջին կիսամյակում փաստացի հարկային եկամուտները կազմել են 713.4 մլրդ դրամ, շուրջ 63 մլրդ ՀՀ դրամով կամ 9.6 %-ով այն գերակատարվել է»,- տեղեկացրեց Անանյանը։
Նա նշեց, որ նախորդ տարվա համեմատ՝ 24.7 տոկոսով ավելի բյուջետային եկամուտներ են ապահովվել։
Ներկայացնելով ՀԴՄ կտրոնների դինամիկան՝ ՊԵԿ նախագահն ասաց, որ այս տարվա 6 ամիսների ընթացքում տպվել է 196 մլն 183 հազար հատ կտրոն, որն ապահովել է 831 մլրդ շրջանառություն։
«Կտրոնների քանակով ունենք 40 տոկոսի աճ և դրանցով հայտարարագրվող շրջանառությունների առումով ունենք ավելի քան 21 տոկոս աճ»,- ասաց Դավիթ Անանյանը։
Մանրամասները՝ տեսանյութում։
Նարեկ Կիրակոսյան
