29.03.2026 | 19:15
Իրանը սպառնում է հարվածներ հասցնել տարածաշրջանում ԱՄՆ-ի և Իսրայելի համալսարաններին
Դուք ի՞նչ կապ ունեք ապրիլյանի հաղթանակի հետ. Ազատ Արշակյանը՝ Մարգարիտ Եսայանին. ՏԵՍԱՆՅՈՒԹ
Քաղաքականություն
08.07.2019 | 17:26
Գերագույն խորհրդի նախկին պատգամավոր Ազատ Արշակյանը կարծում է, որ պետք է ավելի կտրուկ ձևով հեռացվեն նախորդ իշխանության «բոլոր այն տարրերը, որոնք խոչընդոտում են Հայաստանի առաջընթացին»:
«Պետք է մաքրել բոլոր նրանց, ովքեր խոչընդոտում են մեր երկրի առաջընթացին: Օրինակ՝ բոլոր այն իշխանավորները, ովքեր որևէ ձևով արդարացրել են 800 հեկտարի կորուստը, նրանց բոլորը պետք է հեռացվեն: Այն քաղաքական ուժերը, որոնք մատների արանքից են նայել կամ չնկատելու են տվել այդ մեծ կորուստը՝ 800 հեկտարի և մեր զինվորականների կորուստը, նրանք անպայման պետք է հեռացվեն»,- այսօր լրագրողների հետ հանդիպմանն ասաց Ազատ Արշակյանը:
Սա Արշակյանի և ասուլիսին մասնակցող ՀՀԿ-ական նախկին պատգամավոր Մարգարիտ Եսայանի միջև թեժ բանավեճի առիթ դարձավ: Մասնավորապես, Եսայանն ընդհատեց Ազատ Արշակյանին՝ հայտարարելով. «Իսկ այն քաղաքական ուժը, որը հաղթել է ապրիլյան պատերազմը, որը կանգնեցրել է Ադրբեջանի լայնածավալ հարձակումը, որը չի թողել, որ Ադրբեջանը լայնածավալ գործողություններ իրականացնի, այդ ուժերին ի՞նչ անենք»:
Մարգարիտ Եսայանն ասաց՝ 2016 թվականի ապրիլին լայնածավալ պատերազմ էր ընթանում, որը Հայաստանի իշխանությունն ու Հայոց բանակը կանգնեցրել են: Ազատ Արշակյանը սրան արձագանքեց. «Այո՛, բայց դուք ի՞նչ կապ ունեք դրա հետ: Դուք պատերազմում պարտվել եք…. ոչ թե բանակը, այլ ձեր քաղաքական իշխանությունը»:
Մանրամասները՝ տեսանյութում:
