15.01.2026 | 21:00
Ադրբեջանի հարձակումը կլինի ԱՄՆ-ի շահի դեմ․ ՀՀ է գալիս ամերիկյան ֆինանսը և տնտեսական շահը․ Արմինե Մարգարյան․ ՏԵՍԱՆՅՈՒԹ
Մետաղի ջարդոնի արտահանման պետտուրքը 80 դրամից դառնալու է 60 դրամ․ նոր նախագիծ է քննարկվում. ՏԵՍԱՆՅՈՒԹ
Տնտեսություն
08.07.2019 | 16:52
Հայաստանում բավականին մեծ ծավալի մետաղի ջարդոն է արտահանվել: Միայն 2012 թվականին արտահանվել է 150-200 հազար տոննա: Այս մասին ՀՀ ԱԺ տնտեսական հարցերի մշտական հարցերի հանձնաժողովի նիստի ժամանակ հայտարարեց հանձնաժողովի նախագահ Բաբկեն Թունյանը: Հանձնաժողովում քննարկվում է «Պետական տուրքի մասին» ՀՀ օրենքում փոփոխություններ կատարելու նախագիծը:
Բաբկեն Թունյանն ասաց՝ 2012 թվականին Հայաստանից արտահանվող մետաղի ջարդոնի համար որպես պետական տուրք սահմանվել է 80 դրամը. «Սրա հետևանքով 2013 թվականին արտահանման ծավալները գրեթե զրոյացվել են, փոխարենը տեղում ստեղծվել են մի քանի արտադրություններ, որոնք այդ ջարդոններով արտադրել են ամրակներ, աղացագնդեր և այլն»:
Գործող օրենքում ասվում է, որ մետաղի ջարդոնի արտահանման ժամանակ պետական տուրք կա՝ բացառությամբ այն դեպքերի, երբ այդ ջարդոնի ծագման երկիրը Հայաստանն է: Բաբկեն Թունյանի խոսքով՝սրա հետևանքով մի քանի կազմակերպություն մետաղի ջարդոնի ծագման սերտիֆիկատ են ստացել:
Հանձնաժողովի նախագահն ասաց՝ սրա արդյունքում մետաղի ջարդանի արտահանման ծավալներն աճել են, ինչը կարող է հանգեցնել նրան, որ երկրում մետաղի ջարդոն չլինել, ինչը մեծ խնդիրներ է առաջացնելու: Այժմ առաջարկվում է «Պետական տուրքի մասին» ՀՀ օրենքում փոփոխություններ անել և մետաղի ջարդոնի արտահանման պետուրքը մեկ կիլոգրամի համար 80 դրամից դարձնել 60 դրամ:
Մանրամասները՝ տեսանյութում:
Նարեկ Կիրակոսյան
