14.04.2025 | 22:53
Վալոդյա Գրիգորյանը` Փարաքարի համայնքապետ. Լյուդվիգ Գյուլնազարյանը և Դավիթ Մինասյանը մանդատներ են ստացել
Արմեն Սարգսյանի՝ Բաղրամյան 26 տեղափոխվելուց հետո տեսանյութում պատկերված անձանց մուտք նախագահական նստավայր չի եղել. նախագահականից՝ Հայկ Սարգսյանի և աղջիկների տեսանյութի մասին
Հասարակություն
08.07.2019 | 16:42
Hraparak.am կայքը երեկ տեսանյութ էր հրապարակել, համաձայն որի՝ ԱԺ «Իմ քայլը» խմբակցության պատգամավոր Հայկ Սարգսյանն անհայտ աղջիկների ուղեկցությամբ գտնվում է նախագահի նստավայրում:
Այդ աղջիկներից մեկը «Ինստագրամ» սոցիալական ցանցում տեսանյութ է հրապարակել Բաղրամյան 26-ից:
Նախագահի օգնական Հասմիկ Պետրոսյանը Factor.am-ին փոխանցեց, որ նախագահ Արմեն Սարգսյանի՝ Բաղրամյան 26 տեղափոխվելուց հետո տեսանյութում առկա անձինք նախագահի նստավայր մուտք չեն գործել:
«Հանրապետության նախագահի աշխատակազմը Բաղրամյան 26 հասցեում (ներկայումս՝ Բաղրամյան 26/1) գտնվող վարչական շենք տեղափոխվել է այս տարվա մարտից, շենքի ելումուտն իրականացվում է նախագահի աշխատակազմի ղեկավարի և պետական պահպանության ծառայության պետի՝ «Հանրապետության նախագահի աշխատակազմի անցագրային և ներքին ռեժիմը հաստատելու մասին» հրամանի համաձայն։ Այս ընթացքում տեսանյութում պատկերված անձանց մուտք նախագահական նստավայր չի եղել: Ավելին, բացառվում է, որ նախագահի աշխատակազմը նստավայրի շենքում նման «արարողություններ» թույլատրի»,- ասաց նախագահի օգնականը:
Նարեկ Կիրակոսյան
