04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
«Բռնության նման դրսևորումների դեպքում սեռակրթությունը կանխարգելիչ կարևոր ատրիբուտ է». Սևադա Հակոբյան. ՏԵՍԱՆՅՈՒԹ
Հասարակություն
08.07.2019 | 12:51
Հայաստանում իրավական դաշտը բավարար է՝ սեռական բռնությանն առնչվող խնդիրներին լուծում տալու համար: Այս մասին բռնությունների, դրանց հետևանքների ու սեռական դաստիարակության թեմայով ասուլիսի ընթացքում նշեց ՀՀ Առողջապահության նախարարության սեքսոպաթոլոգիայի գծով գլխավոր խորհրդատու, բ.գ.թ., դոցենտ Սևադա Հակոբյանը։
Նրա խոսքով՝ այս օրերին ֆեյսբուքում տարածված պատմությունները ոչ թե ֆլեշմոբ են, այլ հանրային իրազեկվածության մակարդակը բարձրացնելուն ուղղված քայլեր։ Նման դեպքերը կանխելու համար, ըստ Սևադա Հակոբյանի, մի քանի կարևոր բաղադրիչ կա:
«Սեռակրթությունը բռնության նման դրսևորումների կանխարգելման կարևոր ատրիբուտներից է։ Դա ավելի շատ մանկավարժական հարց է։ Բացառիկ կարևոր դեր ունեն նաև ծնողները։ Շատ դեպքերում բռնարար են դառնում այն մարդիկ, որոնց ծնողները մանկության տարիներին չափազանց խիստ կամ դաժան են եղել»,- ընդգծեց Սևադա Հակոբյանը:
Մասնագետը հավելեց, որ իրավապահ մարմինները սեռական բռնության կամ դրա փորձի մասին հաղորդումներին զգայուն և պատասխանատու կերպով են արձագանքում։
Մանրամասները՝ տեսանյութում:
Նելլի Մելքոնյան
