Ամենաահավորն այն էր, որ նիստը վարող քաղաքապետը ծիծաղում էր Անահիտ Բախշյանի հասցեին հնչած վիրավորանքները լսելով, սա խայտառակություն է. իրավապաշտպանները՝ ավագանու երեկվա նիստի մասին

Լուրեր

19.02.2018 | 18:00
Տարոն Մարգարյանը հանձնարարել է քաղաքապետարանում լրագրողների աշխատանքը կանոնակարգելու առաջարկություն ներկայացնել
19.02.2018 | 17:45
Հարձակում VTB բանկի վրա․ ուղիղ միացում
19.02.2018 | 17:36
Մեկնարկել է ՏՏ համաշխարհային համաժողովը. ավարտին Հայաստանը կվերցնի էստաֆետը
19.02.2018 | 17:21
Վստահել պետք է միայն ինքդ քեզ, սակայն դա էլ չի կարող պաշտպանել ողբերգական սխալներից. Արմեն Ջիգարխանյան
19.02.2018 | 17:06
Էթիկայի հանձնաժողովն ուսումնասիրում է քաղաքացու դիմումն ընդդեմ Վիգեն Սարգսյանի՝ «բոշան դու ես» արտահայտության համար. Ս.Սահակյան. Tert.am
19.02.2018 | 17:03
Զինված հարձակում VTB բանկի մասնաճյուղի վրա․ հափշտակվել է 7 միլիոն դրամ
19.02.2018 | 16:43
Հայ նոր քաղաքական դասը երկու խնդիր ունի լուծելու՝ վռնդել վատ այգեպանին ու բանիմաց այգեպան նշանակել. Ժիրայր Սեֆիլյան
19.02.2018 | 16:28
Ջանքերը պետք է ուղղված լինեն Արցախ-Ադրբեջան-Հայաստան եռակողմ բանակցությունների վերսկսմանը, այլ ոչ թե նոր բանակցային ճարտարապետության ստեղծմանը. Մասիս Մայիլյան
19.02.2018 | 16:13
Թուրքիայի ԶՈՒ-ի պաշտոնական տվյալները Աֆրինում քրդերի կորուստների մասին
19.02.2018 | 15:53
 Այլընտրանքային աշխատանքային ծառայողի՝ ծառայության վայրն ինքնակամ թողնելու վերաբերյալ ՀՀ Քրօրենսգրքի դրույթը փոփոխվում է. ՀՔԱՎ-ն առաջարկներ է ներկայացրել
19.02.2018 | 15:38
Երբ որևէ պետական մարմին  է սխալվում,  ես անգամ մի հատ գլխին կտցնելու կամ բլդուղ անելու հնարավորություն չունեմ. Սերգեյ Դանիելյան
19.02.2018 | 15:27
«Մեր մայրաքաղաքը կարմրել է»․ Մովսես Արիստակեսյանը՝ կարմիր գծանշումների մասին
19.02.2018 | 15:15
Ազատ ստեղծագործելու և արգելքների սահմանագծին․ հայաստանյան գրաքննության առանձնահատկությունները
19.02.2018 | 14:52
Մինչև 2022 թ. մենք պարտավոր ենք կիրառել համընդհանուր ներառական կրթություն. ԿԳ նախարար
19.02.2018 | 14:32
Հայաստանի տարածքում «քուրդ ահաբեկիչներ» չեն որոնվում և չեն հետապնդվում. ԱԱԾ. aysor.am
Բոլորը

Երևանի ավագանու երեկվա նիստն աննախադեպ էր՝ հնչած վիրավորանքների առատությամբ։ Մասնավորապես Հանրապետական խմբակցության անդամ Արմեն Սահակյանը «պարոն Բախշյան»-ով և «Անո»-ով դիմեց «Ելք» խմբակցության անդամ Անահիտ Բախշյանին, իսկ «Ելքի» ներկայացուցիչ Անի խաչատրյանն էլ ՝ սպառնաց երկու մատով խեղդել Հանրապետական ավագանուն։

Կատարվածի շուրջ Factor.am-ը ներկայացնում է իրավապաշտպանների և փաստաբանների գնահատականը։

Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը ցավով արձանագրեց, որ կատարվածը հայաստանյան քաղաքական մշակույթն է արտացոլում և առաջին դեպքը չէ․ «Եթե համեմատենք քաղաքակիրթ երկրների հետ, նման դեպք ոչ թե չէր կարող տեղի ունենալ, այլ նման պատգամավորներ կամ ավագանիներ չէին ընտրվի, բայց Հայաստանում իշխանության հիմնական հենարանը հենց նման մարդիկ են, իրենց շնորհիվ է իշխանությունը ձևավորվում, ուստի նման մարդիկ երբեք չեն պատժվի և թքած ունեն հասարակական կարծիքի վրա»,- ասաց Ավետիք Իշխանյանը։

Իրավապաշտպան Ժաննա Ալեքսանյանի գնահատմամբ՝ երեկվա դեպքը ոչ այլ ինչ է, եթե ոչ խուլիգանություն․ «Եվ ամենաահավորն այն է, որ նիստը վարող քաղաքապետը ծիծաղում էր Անահիտ Բախշյանի հասցեին հնչած վիրավորանքը լսելուց հետո։ Սա խայտառակ վարք է, և ճիշտ կլիներ, որ Անահիտ Բախշյանը դիմեր դատարան»,- նկատեց իրավապաշտպանը։

Փաստաբան Երվանդ Վարոսյանն էլ «ցավ է ապրում», որ պետական կառույցները նման վիճակում են գտնվում, և հավելում, որ տեսագրությունը դիտելուց հետո իր մոտ հարց է ծագել․ «Արդյոք անհրաժե՞շտ է առհասարակ, որ նման կառույց գործի․ հասկանալի է, որ այն ձևական կառույց է, բայց գոնե կարելի էր աշխատանքի իմիտացիա ստեղծել»,- ասաց փաստաբանը։

Փաստաբան Մուշեղ Շուշանյանի կարծիքով էլ զարմանալի ոչինչ չկա այդ միջադեպի հետ կապվածԼ: «Որովհետև թե՛ համապետական, թե՛ ՏԻՄ ընտրությունները այնպես են կազմակերպվում, որ ժողովրդի իրական ընտրյալները չեն ընտրվում․ կասկածելի անցյալ ու քրեական ներկա ունեցող անձինք են ավագանիում ու ԱԺ-ում հայտնվում»,- նկատեց փաստաբանը՝ հավելելով, թե վերջիններս էլ «ռեժիմի հենարանն են հանդիսանում»։

Առավել մանրամասն՝ տեսանյութով։

Սեդա Ղուկասյան