27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
«Եվրատեսիլ 2020»-ն Ամստերդամում չի անցկացվի
Մշակույթ
05.07.2019 | 20:46
Նիդեռլանդները հրաժարվել է «Եվրատեսիլ 2020» երգի մրցույթը մայրաքաղաք Ամստերդամում անցկացնել՝ պատճառաբանելով, որ քաղաքում զբաղված են մրցույթի անցկացմանը հարմար բոլոր համերգային արենաները։ Այս մասին հայտնում է ՌԻԱ Նովոստին՝ հղում անելով NL Times պարբերականին։
Նախատեսվում էր, որ Եվրատեսիլ 2020-ը «Ziggo Dome» փակ արենայում պետք է անցկացվեր, սակայն երկրի իշխանություններին չի հաջողվել այնտեղ նախապես ծրագրավորված միջոցառումն այլ օր տեղափոխել։ Մրցույթի անցկացման համար մեկ այլ քաղաքի փնտրտուքները նույնպես անհաջող են անցել։
«Մենք գիտակցում ենք, որ սա քաղաքի շատ բնակիչների մոտ լուրջ հիասթափություն կառաջացնի»,- հայտարարել է Ամստերդամի քաղաքապետը։
«Եվրատեսիլն» իրենց հարկի տակ անցկացնելու համար կպայքարեն նիդեռլանդական Ռոտերդամ, Ուտրեխտ, Հերտոգենբես, Արնեմ և Մաաստրիխտ քաղաքները։
Հաագան և Բրեդան հրաժարվել են պայքարին մասնակցել։
Նելլի Մելքոնյան
