16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ինձ համար բացարձակ սպասելի չէր. Արմեն Մուրադյանը՝ «Գրիգոր Լուսավորիչ» հիվանդանոցի խոշոր չարաշահման մասին. ՏԵՍԱՆՅՈՒԹ
Հասարակություն
05.07.2019 | 18:08
Չի թերանում նա, ով որևիցե բան չի անում։ Այս մասին Factor.am-ի հետ զրույցում ասաց առողջապահության նախկին նախարար, բժշկական համալսարանի ռեկտոր Արմեն Մուրադյանը՝ պատասխանելով հարցին՝ տեսնո՞ւմ է իր թերացումը «Գրիգոր Լուսավորիչ» հիվանդանոցում տեղի ունեցած խոշոր չարաշահման հարցում:
«Այդ ամբողջ գործընթացը բացարձակ չի վերաբերում իմ նախարարական պաշտոնավարման ժամկետին։ Եթե որևէ տեսակի հարց լինի կապված ինձ հետ, ես միշտ Հայաստանում եմ իմ արածների համար պատասխանատվություն կրելու և բացատրություն տալու»,- ասաց նա:
Հիշեցնենք, որ ՀՀ Առողջապահության նախարարությանը ենթակա «Սուրբ Գրիգոր Լուսավորիչ» բուժկենտրոնում ԱՆ կողմից անցկացվող ուսումնասիրության միջանկյալ արդյունքներով՝ 2016-2018 թվականների ընթացքում բնակչությանը պետական պատվերի շրջանակում մատուցված բժշկական օգնության մասով պետբյուջեին հասցված ընդհանուր վնասը գնահատվել է շուրջ 545 մլն դրամ: Այս ժամանակահատվածում բուժկենտրոնի տնօրենն Արա Մինասյանն էր: Արմեն Մուրադյանը 2016 թվականի մինչ սեպտեմբերը եղել է առողջապահության նախարար։
Նա լրագրողներին փոխանցեց, որ իր համար բացարձակ սպասելի չէր այդ բուժկենտրոնում նման մասշտաբի չարաշահումը։
Մանրամասները՝ տեսանյութում։
Նարեկ Կիրակոսյան
