06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Չավուշօղլուն հայտարարել է, որ թուրք զինվորականներն են որոշելու S-400-ների տեղակայման վայրը
Քաղաքականություն
04.07.2019 | 20:41
Թուրք-ամերիկյան լարվածությունը ռուսական S-400 ՀՕՊ համակարգերի շուրջ համեմատաբար թուլացել է Ճապոնիայում կայացած Թուրքիայի և ԱՄՆ-ի նախագահների հանդիպումից հետո։ Այդ մասին հայտարարել է Թուրքիայի արտգործնախարար Մևլութ Չավուշօղլուն. գրում է ermenihaber-ը:
S-400-ների մատակարարմանը մնացել է 10 օրից ոչ ավել, քանի որ ըստ կողմերի հայտարարությունների, Անկարան այդ համակարգերը պետք է ստանա մինչև հուլիսի առաջին կեսը։
Ըստ թուրք նախարարի՝ Թրամփ-Էրդողան հանդիպումը դրական մթնոլորտում չի անցել, սակայն ԱՄՆ-ի նախագահի հնչեցրած հայտարարությունները ողջամտություն են հաղորդել ընդհանուր գործընթացին։
«Մեր նախագահը նախկինում էլ ասել է, որ S-400-ների հարցը փակված է։ Արդեն խոսվում է մատակարարման գործընթացի մասին։ Մենք այդ համակարգերը գնել ենք և այժմ բանակցում ենք ՆԱՏՕ-ի և այլ կողմերի հետ։ Եթե կան կասկածներ, թող գան քննարկենք, մենք երկխոսության կողմնակից ենք»,-ասել է Չավուշօղլուն։
Անդրադառնալով այն հարցին, թե որտեղ են տեղակայվելու ռուսական ՀՕՊ համակարգերը, Չավուշօղլուն ասել է, որ այդ հարցի վերաբերյալ որոշումը կայացնելու են թուրք զինվորականները։
Հիշեցնենք, որ Ճապոնիայում G-20-ի շրջանակներում Ճապոնիայում տեղի ունեցած Թրամփ-Էրդողան հանդիպումից հետո ԱՄՆ-ի նախագահը հայտարարեց, որ Անկարան պարտադրված է Ռուսաստանի հետ կնքել նման գործարք։ Թրամփը ստեղծված իրավիճակում մեղադրեց ԱՄՆ-ի նախկին նախագահ Բարաք Օբամային, ով ժամանակին չցանկացավ Թուրքիային վաճառել ամերիկյան Patriot ՀՕՊ համակարգեր։
