15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Հայկական համարանիշերով ավտոմեքենաների երթևեկությունը Ղազախստանում կարող են սահմանափակել
Տնտեսություն
04.07.2019 | 16:35
Ղազախստանում կարող են սահմանափակել Հայաստանի, Ռուսաստանի և Ղրղզստանի համարանիշերով ավտոմեքենաների երթևեկությունը: Ավելի վաղ այդ երկրի ՆԳ նախարար Երլան Տուրգումբաևն առաջարկել է նշված երկրներից մեքենաների ժամանակավոր գրանցում ներդնել, եթե տրանսպորտային միջոցի սեփականատերը մտադիր է Ղազախստանում ավելի քան 10 օր մնալ, գրում է Tengrinews.kz-ն:
«Մենք գարնանը չկարողացանք համաձայնության գալ: Պատգամավորների կարծիքները տարբեր էին՝ անմիջապես գրացելուց մինչև այդ գաղափարից հրաժարում: Հաշվի առնելով, որ բազմաթիվ օտարերկրացիներ են իրենց մեքենաներով երկիր մուտք գործում, որևէ ժամկետ պետք է լինի: Աշնանը կվերադառնանք այդ հարցին»,- անդրադառնալով նախաձեռնությանը՝ ասել է պատգամավոր Պավել Կազանցևը:
Նա վստահեցրել է, որ պատգամավորներն ամբողջությամբ կիսում են օտարերկրյա համարանիշներով մեքենաների առիթով իրավապահների անհանգստությունը:
«Ճանապարհներին մահացության թիվը մեզ մոտ աճում է, դա ճիշտ չէ»,- հավելել է Կազանցևը:
«Բողոքները շատ են Հայաստանի, Ղրղզստանի և Ռուսաստանի տարածքում գրանցված ավտոմեքենաներից, որոնք խախտում են ճանապարհային երթևեկության կանոնները»,- ավելի վաղ ասել էր ՆԳ նախարար Երլան Տուրգումբաևը։
Նրա խոսքով՝ հարևան երկրների համարանիշերով մեքենաների նկատմամբ միջոցներ ձեռնարկել հնարավոր չէ, քանի որ տրանսպորտը Ղազախստանի տարածքում գրանցված չէ: «Նրանք զբաղվում են ձեռնարկատիրական գործունեությամբ՝ ուղևորների են փոխադրում։ Մենք առաջարկում ենք սահմանափակումներ և պարտադիր ժամանակավոր գրանցում ներդնել այն մեքենաների համար, որոնք գալիս են՝ մեր հանրապետությունում ավելի քան 10 օր օգտագործվելու համար։ Եթե այն տարանցիկ է, կարող է 10 օրում հատել երկրի տարածքը։ 10 օր անց տրանսպորտը պետք է ժամանակավոր գրանցում ստանա»,- ասել է նախարարը:
