15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Չեչնիայում հսկիչ անցակետի վրա հարձակման հետևանքով ոստիկան է զոհվել. պատասխանատվությունը ստանձնել է ԻՊ-ն
Քաղաքականություն
02.07.2019 | 14:23
Չեչնիայում հսկիչ անցակետի վրա հարձակման հետևանքով ոստիկան է զոհվել: ՌԴ ՆԳՆ Հյուսիսկովկասյան դաշնային շրջանի գլխավոր վարչության տվյալներով՝ անհայտ անձը մոտեցել է ՆԳՆ աշխատակցին, դանակի հարվածներ հասցրել, ապա նռնակ նետել: Հարձակվողը ոչնչացվել է, գրում է «Վեդոմոստին»:
ՆԳՆ աշխատակիցը հիվանդանոց տեղափոխվելու ճանապարհին մահացել է: Նշվում է, որ նա Չեչնիա էր գործուղվել Կուզբասից:
Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը: Այս մասին տեղեկացրել է համացանցում իսլամական ծայրահեղականների գործունեությանը հետևող SITE Intelligence Group-ը:
Նշենք, որ 2018 թվականի մայիսին էլ զինյալները փորձել էին գերի վերցնել Գրոզնիի կենտրոնում գտնվող Միքայել Հրեշտակապետ եկեղեցու հավատացյալներին: Այս միջադեպի պատասխանատվությունը նույնպես ԻՊ-ն էր ստանձնել:
