14.12.2024 | 19:57
Ինչ իրավիճակ է ճանապարհներին 19։35-ի դրությամբ
Հյուսիսային Կորեան կտրականապես մերժել է ՄԱԿ ԱԽ պատժամիջոցները
Քաղաքականություն
13.09.2017 | 11:42
Հյուսիսային Կորեան կտրականապես մերժել է ՄԱԿ-ի Անվտանգության խորհրդի պատժամիջոցները, որը խստացնում են Պհենյանի դեմ պատժամիջոցների ռեժիմը. փոխանցում է ria.ru-ն:
Փհենյանում փաստաթուղթն անվանել են «զզվելի սադրանքի արդյունք՝ ուղղված ԿԺԴՀ-ին ինքնապաշտպանվելու իր օրինական իրավունքից զրկելուն և տնտեսական շրջափակման միջոցով պետությանն ու նրա քաղաքացիներին խեղդելուն»:
Նշենք, որ ՄԱԿ ԱԽ-ի բանաձևը նախատեսում է Փհենյանի կողմից նավթամթերթի գնման սահմանափակում. թույլատրվել է գնել տարեկան մինչև 2 մլն բարել։ Սահմանափակվել է նաև նավթի հումքի ներկրումը վերջին 12 ամիսների համար: Բացի այդ, արգելք է սահմանվում Հյուսիսային Կորեա հեղուկ բնական գազի և գազային կոնդենսանտի մատակարարումների վրա։
Փաստաթուղթը նաև նախատեսում է լիարժեք արգելք Հյուսիսային Կորեայից տեքստիլ արտադրանքի արտահանման վրա, ինչը զգալի հարված կհասցնի երկրի տնտեսությանը:
Հիշեցնենք նաև, որ Հյուսիսիային Կորեան հայտարարել էր՝ որ ԱՄՆ-ը շահարկում է ՄԱԿ-ի Անվտանգության խորհուրդը, որպեսզի խստացնի Հյուսիսային Կորեայի դեմ պատժամիջոցները՝ ջրածնային մարտագլխիկներ փորձարկելու համար:
Փհենյանը նաև ընդգծել էր, որ ուշիուշով հետևում է ԱՄՆ գործողություններին ու պատրաստ է հակահարված տալ. «Միջոցառումները, որոնք կձեռնարկի Հյուսիսային Կորեան, ԱՄՆ-ին այնպիսի մեծ ցավի ու տառապանք կպատճառեն, որոնց միջով նա չի անցել իր ողջ պատմության ընթացքում»։
