19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Հանրությունը լրատվամիջոցից պահանջում է ծառայություն, որի համար հարկ չի համարում վճարել. Աննա Հակոբյանը՝ հայաստանյան մամուլի վիճակի մասին. ՏԵՍԱՆՅՈՒԹ
Հասարակություն
02.07.2019 | 12:23
Վստահելի տեղեկատվություն ասվածը մեր օրերում մամուլի էջերից անհետացող տեսակ է: Այն իր տեղը զիջում է էժանագին սենսացիաներին, անարժեք մանիպուլյացիաներին, քաղաքական նպատակահարմարություններով պայմանավորված «փաստերի» մատուցմանը: Լիբանանում՝ Մեծի Տանն Կիլիկիո կաթողիկոսության Անթիլիասի մայրավանքում մեկնարկած Հայ մամուլի համահայկական համագումարի բացմանն ունեցած ելույթում այս մասին ասել է ՀՀ վարչապետի տիկին Աննա Հակոբյանը:
«Այս իրավիճակը, իհարկե, իր օբյեկտիվ պատճառներն ունի: Առաջինը և ամենակարևորը ֆինանսավորման աղբյուրներն են: Իմ խորին համոզմամբ՝ ֆինանսավորման խնդիրը հայաստանյան մամուլի ներկա իրավիճակի թիվ մեկ պատճառն է: Որևէ լրատվամիջոց իր էջում որևէ տեղեկատվություն զետեղելիս հաշվի է առնում, թե այն որքանով է իրեն ֆինանսավորողի քիմքին հաճելի»,- մասնավորապես ասել է Աննա Հակոբյանը:
Նրա կարծիքով՝ այս իրավիճակից ելքը մեկն է. հանրությունն ինքը պետք է իր լրատվամիջոցի ֆինանսավորողը դառնա:
«Հանրությունը, ըստ էության, լրատվամիջոցից պահանջում է մի ծառայություն, որի համար հարկ չի համարում և պատրաստ չէ վճարել»,- կարծում է Աննա Հակոբյանը:
Մանրամասները՝ տեսանյութում:
