02.09.2026 | 18:00
Գագիկ Խաչատրյանի փաստաբանները դիմել են ՄԻԵԴ-ին՝ հրատապ միջոց կիրառելու համար․ ՏԵՍԱՆՅՈՒԹ
Քրեաօլիգարխիկ կլանը մնում է Հայաստանում, ոչ թե Աբովյանում. Սասուն Միքայելյան. ՏԵՍԱՆՅՈՒԹ
Քաղաքականություն
01.07.2019 | 12:53
Ինձ երբեք չի զարմացրել ՔՊ վարչության անդամ լինել կամ չլինելը: ՀՀ Ազգային ժողովում այսօր լրագրողների հետ զրույցում ասաց «Իմ քայլը» խմբակցության անդամ Սասուն Միքայելյանը:
«Ինձ ձայն չեն տվել: Թաքցնելու բա՞ն է: Միգուցե այնտեղ ինչ-որ խմորումներ են գնացել, ինչ-որ մարդիկ թիմեր են ձևավորել ներսում, դրա համար այսպես եղավ: Ու մարդիկ կան այնտեղ՝ առանցքային դեմքեր՝ Նիկոլ Փաշինյանի գլխավորությամբ, որ երբեք նման բանի մեջ չեն մտել»,- ասաց պատգամավորը:
Անդրադառնալով տեղեկությանը, որ պատրաստվում է վայր դնել պատգամավորական մանդատը, Սասուն Միքայելյանը պատասխանեց. «Չգիտեմ՝ դա ում երազանքն է: Մանդատն ինձ տվել է իմ ժողովուրդը, ես երկար տարիներ ծառայել եմ այս ժողովրդին, և ես ժողովրդի առաջ եմ պատասխանատու: Այս խաղերի կամ այդ 300 հոգու քվեարկության արդյունքում ես պատասխանատու չեմ, որ խռովեմ, նեղանամ… ես խռովող տղա չեմ: Ես իմ արել եմ ու անելու եմ»:
Հարցին էլ՝ ինչո՞ւ չէր մասնակցում ԱԺ նիստերին, պատգամավորն արձագանքեց. «Հարցեր կային առողջական: Գումարած՝ այս պահը, մտածեցի՝ ընդհանուր իրավիճակը թող լրիվ պարզ լինի: Դրա համար չեմ եկել»:
Մանրամասները՝ տեսանյութում:
