16.06.2026 | 19:10
«Հորն ու մորն էլ չի ճանաչում»․ մանրամասներ թմրանյութից տուժած 12-ամյա տղայի վիճակի մասին
Նախագահ Արմեն Սարգսյանը ներկա է գտնվել Եվրոպական երկրորդ խաղերի փակման արարողությանը
Քաղաքականություն
01.07.2019 | 10:44
Աշխատանքային այցով Բելառուսի Հանրապետությունում գտնվող՝ Հայաստանի Հանրապետության նախագահ Արմեն Սարգսյանը հունիսի 30-ի երեկոյան, Բելառուսի նախագահ Ալեքսանդր Լուկաշենկոյի, Ռուսաստանի Դաշնության նախագահ Վլադիմիր Պուտինի և Տաջիկստանի նախագահ Էմոմալի Ռահմոնի հետ, Մինսկի «Դինամո» մարզադաշտում ներկա է գտնվել Եվրոպական երկրորդ խաղերի փակման հանդիսավոր արարողությանը:
Եվրոպական խաղերն անցկացվում են 4 տարին մեկ անգամ։ Երկրորդ խաղերին 15 մարզաձևում մրցում էր շուրջ 4000 մարզիկ՝ 50 երկրից: Հայաստանի մարզիկներն այս խաղերում նվաճել են 11 մեդալ, որից 5-ը՝ ոսկե:
Այս մասին հայտնում են նախագահի աշխատակազմի լրատվական ծառայությունից։
