18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
ԵԱՀԿ Մինսկի խմբի համանախագահները հայտարարություն են տարածել
Քաղաքականություն
29.06.2019 | 20:00
ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) եւ Էնդրյու Շեֆերը (ԱՄՆ) հունիսի 27-28-ին այցելել են Վիեննա եւ Բրատիսլավա՝ ներկայացնելու ԵԱՀԿ Մինսկի խմբի երկրների մշտական ներկայացուցիչներին՝ ԵԱՀԿ գլխավոր քարտուղար Թոմաս Գրեմինգերին եւ ԵԱՀԿ-ում նախագահող Սլովակիայի ԱԳ նախարար Միրոսլավ Լայչակին համանախագահների տարածաշրջան վերջին այցի եւ Հայաստանի ու Ադրբեջանի ԱԳ նախարարների հետ Մոսկվայում եւ Վաշինգթոնում ունեցած խորհրդակցությունների արդյունքները:
Նրանք նաեւ հանդիպել են ԵԱՀԿ բարձր մակարդակի պլանավորման խմբի ղեկավար Վլադիմիր Մինարիկի հետ: Այս հանդիպումներին մասնակից է եղել նաեւ ԵԱՀԿ գործող նախագահի մշտական ներկայացուցիչ Անջեյ Կասպրշիկը:
Համանախագահները ողջունել են հունիսի 28-ին բանտարկյալների միաժամանակյա ազատ արձակումը եւ բարձր են գնահատել ԿԽԿՄ ջանքերը` ուղղված ձերբակալվածների նկատմամբ առաջին դրական քայլին աջակցելուն:
Համանախագահները կոչ են արել կողմերին լրացուցիչ կոնկրետ հումանիտար
ջանքեր գործադրել որքան հնարավոր է շուտ բովանդակային բանակցությունների համար բարենպաստ մթնոլորտի հետագա ամրապնդման համար»։
