16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Հրայր Թովմասյանի անձով չի պայմանավորված ճգնաժամը ՍԴ-ում. Արարատ Միրզոյան. ՏԵՍԱՆՅՈՒԹ
Քաղաքականություն
28.06.2019 | 16:47
Ազգային ժողովի նախագահ Արարատ Միրզոյանը Սերգեյ Բագրատյանին և մյուս 130 պատգամավորներին կօգնի հասկանալ, թե ինչ խնդրի շուրջ պիտի լինեն նրանց մտորումները։ Այսօր Ազգային ժողովում լրագրողների հետ զրույցում Արարատ Միրզոյանն ասաց՝ պատգամավորներին է բաժանելու Վահե Գրիգորյանի նամակը. «Իսկապես խնդիր կա, որը շտապ լուծել է պետք»:
Խորհրդարանի ղեկավարը նկատեց, որ գործող Սահմանադրական դատարանի հետ պետության և հասարակության խնդիրները նոր չեն, ձգվում են տասնամյակներ շարունակ, և հավելեց, որ Վահե Գրիգորյանը ճգնաժամից դուրս գալու երեք տարբերակ է առաջարկում։
«Երեք տարբերակները ես չեմ ներկայացնելու, ես ասեցի սպեկտրը՝ առկա իրավիճակի ամրագրումից մինչև մեծ կամ փոքր տրամաչափի փոփոխությունների ֆիքսում»,-պարզաբանեց ԱԺ նախագահը:
Արարատ Միրզոյանը, ի դեպ, համաձայն չէ, որ իշխանությունը մտադիր է վերցնել Սահմանադրական դատարանը Վահե Գրիգորյանի միջոցով։
Ըստ նրա՝ խնդիրն այն չէ, որ իշխանությունը չի վստահում Սահմանադրական դատարանին, խնդիրն այն է, որ այդ մարմնին ոչ ոք չի վստահում։
Մանրամասները՝ տեսանյութում:
Մհեր Արշակյան
