Ամենակարևորը մեր երիտասարդության կարծիքն է, իսկ մեր երիտասարդության ճնշող մեծամասնությունը գիտի՝ Արցախում ում զենքով են սպանվում իրենց եղբայրները և ամուսինները.  Տիգրան Խզմալյան

Լուրեր

21.06.2018 | 16:18
Ինչ քաղաքականություն է վարում Ադրբեջանը Նախիջևանում․ ՏԵՍԱՆՅՈՒԹ
21.06.2018 | 16:13
ԲԴԽ-ն բացառիկ կարևորություն է տալիս դատավորի թեկնածուների և դատա­վոր­ների անձնական և բարոյական որակ­ներին
21.06.2018 | 16:04
Վերամշակող ընկերությունները սկսել են ծիրանի մթերման աշխատանքները. Գյուղնախարարություն
21.06.2018 | 15:48
«Էրդողանի վերընտրվելը Իսրայելի համար լավագույն տարբերակը կարող է լինել». Haaretz
21.06.2018 | 15:40
Կենդանաբանական այգի այցելելը լիովին անվտանգ է. ԱՆ
21.06.2018 | 15:38
Մեկնարկել է կույր շախմատիստների տղամարդկանց անհատական ՀՀ առաջնության եզրափակիչ փուլը
21.06.2018 | 15:36
«Գեներալները  թաթախված էին կոռուպցիայի մեջ իշխանությունների թողտվությամբ»․ Ժաննա Ալեքսանյան․ ՏԵՍԱՆՅՈՒԹ
21.06.2018 | 15:32
«Ինչպես հերոսը ձեռք բերեց իշխանություն և փող»․ Թևան Պողոսյան․ ՏԵՍԱՆՅՈՒԹ
21.06.2018 | 15:26
Սերժ Սարգսյանի թիկնազորի պետի տան խուզարկությամբ միլիոններ են հայտնաբերվել ու հանձնվել ԿԲ-ին
21.06.2018 | 15:22
Զբաղեցրած պաշտոններից ազատվել են  Շիրակի մարզպետի երկու տեղակալները
21.06.2018 | 15:07
ԱԺ-ում տեղի ունեցավ ԸՕ-ի շուրջ առաջին քննարկումը. ներկա էին նաև Վիգեն Սարգսյանն ու Դավիթ Հարությունյանը. ՏԵՍԱՆՅՈՒԹ
21.06.2018 | 15:02
ԵԿՄ-ի նախագահի լիազորությունները կկասեցվեն. ԵԿՄ-ականների հայտարարությունը. ՏԵՍԱՆՅՈՒԹ
21.06.2018 | 14:59
Նիկոլ Փաշինյանի որոշմամբ՝ Լիանա Ղալթաղչյանը նշանակվել է վարչապետի աշխատակազմի ղեկավարի տեղակալ
21.06.2018 | 14:54
Ֆեդերիկա Մոգերինին վերահաստատել է ԵՄ պատրաստակամությունը՝ աջակցելու Հայաստանում ընթացող բարեփոխումների գործընթացին
21.06.2018 | 14:48
ԵԿՄ-ականին որևէ մեկը չի կարող վախեցնել. Ռազմիկ Պետրոսյան. ՏԵՍԱՆՅՈՒԹ
Բոլորը

Եվրասիական տնտեսական միությանը Հայաստանի անդամակցության դադարեցման հարցը պետք է օրակարգ դառնա ազգի, հասարակության համար։ Այս մասին Factor.am-ի հետ զրույցում ասաց կինոռեժիսոր, «Հայաստանի եվրոպական ընտրություն» շարժման ղեկավար Տիգրան Խզմալյանը:

«Խնդիրը ոչ թե ԵՏՄ-ին անդամակցելը կամ չանդամակցելն է, այլ քաղաքակրթական ընտրություն պետք է կատարենք։ Հաճախ տնտեսական բացատրություններ են բերվում, որոնք ճիշտ են, բայց նախևառաջ որպես հասարակություն պետք է հասկանանք, որ Խորհրդային Հայաստանը պետք է տապալվի։ Մենք շարունակում ենք մնալ դասական խորհրդային հասարակություն, որտեղ չկա ժողովրդավարություն: Սա մի քիչ թաքցված, կոծկված միապետություն է, որտեղ չկան ընտրություններ, չկա խորհրդարան»,- շեշտեց Խզմալյանը։

Մեր զրուցակցի գնահատմամբ՝ ԵՏՄ-ն ընդամենը դիմակ է, մենք շարունակում ենք գործ ունենալ «նույն գաղութային հրեշի հետ»։ Մեր դիտարկմանը, որ ՀՀ-ում ՌԴ դեսպան Իվան Վոլինկինն այսօր հայտարարել է, թե Հայաստանն իհարկե կարող է դադարեցնել իր անդամակցությունը, սակայն հանրության մեծամասնությունը դեմ կլինի այդ որոշմանը, քանի որ տեսնում է այդ «միությունում գտնվելու առավելությունները», Տիգրան Խզմալյանը հեգնեց․ «Նախ խորին շնորհակալություն հայտնենք Ռուսաստանի դեսպանին, որը թույլ է տալիս կայացնել նման որոշում, բայց դեսպանի կարծիքը չպետք է նկատի առնենք․ թող այն պահի իր երկրպագուների համար, որոնք քիչ չեն մեր երկրում։ Ամենակարևորը մեր երիտասարդության կարծիքն է, իսկ մեր երիտասարդության ճնշող մեծամասնությունը գիտի՝ Արցախում ում զենքով են սպանվում իրենց եղբայրները և ամուսինները»։

Կինոռեժիսորի կարծիքով՝ Ռուսաստանը հետաքրքիր չէ հայաստանյան երիտասարդների համար․ «Ռուսաստանն իրեն սպառել է»:

«Վաղուց արդեն ՌԴ-ից բացի օղուց, որի գովազդները լցված են երևանյան փողոցներում, որևէ բան չի գալիս․ գիտություն, արվեստ, երաշտություն, ֆիլմ։ Ռուսաստանը ձանձրալի է, վերջացել է, իրենք ընտրեցին այդ հյուսիս-կորեական տարբերակը, եթե դա իրենց ընտրությունն է, թող վայելեն, բայց մեզ հանգիստ թողնեն»,- ասաց նա։

Անդրադառնալով Գլոբալիզացիայի և տարածաշրջանային վերլուծական կենտրոնի կողմից իրականացված սոցիոլոգիական հարցման արդյունքներին, ըստ որոնց՝ Հայաստանի հանրության գրեթե 60 տոկոսը երկրի ապագան կապում է ԵՄ-ի հետ, Խզմալյանը հիշեց Սերժ Սարգսյանի խոսքերը․ «Մի առիթով Սերժ Սարգսյանն ասել է՝ ես հո չէի կարող մի գիշերվա մեջ բոլորիդ կարծիքը հարցնել, իհարկե կարող էր, դրա համար գոյություն ունի այնպիսի կարևոր գործիք, որը կոչվում է հանրաքվե, հանրաքվեի միջոցով են նման հարցերը լուծվում, հարգելի Սերժ Սարգսյան, և մի գիշերվա մեջ կարող էիք նման հարցի պատասխանը ստանալ։ Նման հարցերը միաձնյա չեն լուծվում, պարզ է, որ 2013-ի սեպտեմբերի 3-ին Պուտինին պետք էր Սերժ Սարգսյանի կարծիքը, դրա համար նա գործադրեց բոլոր ճնշումներն այդ մարդու վրա, բայց նա իրավասու չէ որոշում կայացնել իմ երեխաների, իմ թոռների փոխարեն»,-եզրափակեց մեր զրուցակիցը:

Տիգրան Խզմալյանի հետ հարցազրույցն ամբողջությամբ` տեսանյութում:

Սեդա Ղուկասյան