18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Նպատակ չունի, բայց չի էլ բացառում․ Ռուստամ Բադասյանը՝ ՔՊ անդամ դառնալու մասին
Քաղաքականություն
27.06.2019 | 20:09
Արդարադատության նորանշանակ նախարար Ռուստամ Բադասյանը չի բացառում, որ կանդամակցի իշխող «Քաղաքացիական պայմանագիր» կուսակցությանը: Այս մասին նախարարը նշեց Factor.am-ի հետ զրույցում՝ պատասխանելով հարցին՝ հնարավո՞ր է դառնա ՔՊ-ական, քանի որ նախարարի պաշտոնը քաղաքական է:
«Չեմ բացառում»,- ասաց Ռուստամ Բադասյանը:
Նախարարը, սակայն, նշեց, որ դեռ անդամագրվելու դիմում չի գրել, ՔՊ ղեկավարության հետ էլ հարցը չի քննարկել: Ավելին՝ նպատակ չունի կուսակցական դառնալու: Այդ դեպքում ինչու՞ չի բացառում ՔՊ-ին անդամակցելու հեռանկարը, հարցին՝ Ռուստամ Բադասյանը պատասխանեց. «Որովհետև քաղաքական պաշտոն եմ զբաղեցնում, քաղաքական որևէ հակադրություն չունեմ իշխող ուժի հետ, հետևաբար չեմ բացառում»:
Հիշեցնենք, որ Ռուստամ Բադասյանը մինչ արդարադատության նախարար նշանակվելը ՊԵԿ փոխնախագահն էր:
Նարեկ Կիրակոսյան
