13.10.2026 | 21:17
Թալիբները դադարեցրել են BBC-ի ռադիոհեռարձակումը Աֆղանստանում
Հանրակրթական և հատուկ կրթություն իրականացնող ուսումնական հաստատությունների ֆինանսավորման խնդիրները լուծելու մեխանիզմ է մշակվել
Հասարակություն
27.06.2019 | 16:16
Կառավարության հունիսի 27-ի նիստում գործադիրի անդամներն ընդունեցին որոշման նախագիծ, որով ՀՀ կրթության, գիտության, մշակույթի և սպորտի նախարարության ենթակայությամբ գործող հանրակրթական և հատուկ կրթություն իրականացնող ուսումնական հաստատությունների ֆինանսավորման խնդիրները լուծելու մեխանիզմ է մշակվել։
Ըստ նախագծի՝ այդ խնդիրները լուծելու նպատակով առաջարկվում է «Մանկավարժահոգեբանական աջակցության ծառայություններ և կրթության առանձնահատուկ պայմանների կարիք ունեցող երեխաների կրթություն» ծրագրով նախատեսված միջոցներից 116638.4 հազար դրամ գումարը և «Կրթության և գիտության ոլորտի այլ միջոցառումներ» ծրագրով նախատեսված միջոցներից 367469.1 հազար դրամ գումարը տրամադրել` «Տարրական ընդհանուր հանրակրթություն», «Հիմնական ընդհանուր հանրակրթություն», «Տարրական հատուկ հանրակրթություն», «Հիմնական հատուկ հանրակրթություն», «Միջնակարգ հատուկ հանրակրթություն» ծրագրերով նախատեսված հանրակրթական և հատուկ դպրոցների անխափան գործունեությունը իրականացնելու համար:
