28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Կրկնակի հարկումից խուսափելու համաձայնագրից մինչև Երևանի հետ ուղիղ չվերթ. Մալթայից Հայաստան ժամանած նախարարը ծրագրերն է թվարկում․ ՏԵՍԱՆՅՈՒԹ
Քաղաքականություն
27.06.2019 | 14:50
Հայաստան ժամանած Մալթայի արտաքին գործերի և առևտրի խթանման նախարար Կարմելո Աբելան մեր երկիր իր այցը պատմական է համարում և նշում, որ Հայաստանի ու Մալթայի հարաբերությունները գերազանց են։
Այս մասին այսօր Հայաստանի արտաքին գործերի նախարար Զոհրաբ Մնացականյանի հետ համատեղ ասուլիսի ժամանակ ասաց Կարմելո Աբելան՝ շեշտելով, որ ինչպես իր նախորդ, այնպես էլ այս այցի շրջանակում ստորագրվել են տարբեր համաձայնագրեր, որոնք դարակների վրա չեն մնա։
«Որպես ԵՄ անդամ երկիր մենք ակտիվորեն սատարում ենք Հայաստանի ջանքները ԵՄ-ի հետ հարաբերություններում, և այն փաստը, որ մենք վավերացրել են ՀՀ-ԵՄ համապարփակ և ընդլայնված համաձայնագիրը դեռ նախորդ տարվա սեպտեմբեր ամսին, մեր աջակցության շոշափելի ապացույցն են»,- ասաց Մալթայի արտաքին գործերի և առևտրի խթանման նախարարը։
Նա նաև ընդգծեց, որ Մալթայի և Հայաստանի միջև առևտրաշրջանառությունը տպավորիչ մակարդակի վրա չէ, ուստի պետք է նոր հնարավորություններ տալ երկու երկրների գործարար համայնքներին՝ ստեղծելով նրանց համար հանդիպումների և փորձի փոխանակման հարթակներ։
«Ինչ վերաբերում է կրկնակի հարկումից խուսափելու մասին համաձայնագրին, ապա այն արդեն վերջնական տեսքի է բերվել և մեր հաջորդ հանդիպման ժամանակ կստորագրվի, ինչը շատ կարևոր գործոն է գործարար համայնքի աջակցության համար։ Կա նաև նպատակ եկող տարի հաստատել ուղիղ չվերթ՝ երկու երկրների միջև»,- ասաց Մալթայի արտաքին գործերի և առևտրի խթանման նախարար Կարմելո Աբելան։
Մանրամասները՝ տեսանյութում։
