19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
6-7 տարի է ասում են՝ Սամվել Ալեքսանյանն էդ տարածքը կգնի. Հռիփսիմե Առաքելյան. ՏԵՍԱՆՅՈՒԹ
Հասարակություն
27.06.2019 | 13:47
Երևանի ավագանու «Բարգավաճ Հայաստան» խմբակցության անդամ Հռիփսիմե Առաքելյանը խոսելով Լեո 35 տան մասին ասաց, որ տարածքում լինելուց և տան վիճակը տեսնելուց հետո համոզվել է, որ սոսկալի վիճակում է գտնվում տունը: Նրա պնդմամբ՝ նախկին իշխանության ներկայացուցիչները առհասարակ չեն գնացել և չեն հետաքրքրվել այդ տան և նրա բնակիչների ճակատագրով:
Հիշեցնենք, որ այս տարաքծի մասին մի քանի անգամ ավագանու անդամը բարձրաձայնել է,՝նշելով, որ տունը գտնվում է վատ վիճակում, այն նույնականացնելով հյուղակի հետ։ Առաքելյանը ավագանու անդամներին է դիմել տան բնակիչներին կացարանով ապահովելու հարցով։
Առաքելյանը հեգնեց, թե հիմա միակ առաջխաղացումն այն է, որ այնտեղ այցելել է կենտրոն վարչական շրջանի ղեկավարը և սոցապ վարչության պետը:
Անդրադառնալով Վիկտոր Մնացականյանի հայտարարությանը, թե սպասում են, որ հնարավոր է տարածքը գնի Սամվել Ալեքսանյանը, ասաց, որ այդ խոսակցությունները վեց-յոթ տարի է կան. «Սամվել Ալեքսանյանը գուցե ինչ-որ տարածքներ գնել է, բայց այդ գետոյի պարագայում, իմ և ընտանիքի շփումների արդյունքում կարող եմ ասել, որ այդ խոսակցությունները 6-7 տարի է կան»:
Մանրամասները՝ տեսանյութում:
Լիլիթ Շաբոյան
