05.12.2025 | 22:31
Երևանում և 7 մարզում էլեկտրաէներգիայի անջատումներ կլինեն
Կառավարությունն առաջարկում է 0-18 տարեկանների համար բժշկական ծառայությունները դարձնել անվճար, իսկ բուժաշխատողների աշխատավարձը՝ բարձրացնել
Քաղաքականություն
27.06.2019 | 12:21
Առողջապահության ոլորտում պետության կողմից անվճար և արտոնյալ պայմաններով մատուցվող ծառայությունների շրջանակն ու դրանցից օգտվող շահառուների շրջանակը կընդլայնվի։ Այս նպատակով պետական բյուջեից Առողջապահության նախարարությանը կհատկացվի հավելյալ գումար, որը հնարավոր է պետական բյուջեի 62 միլիարդ հավելյալ մուտքի հաշվին։
Համապատասխան որոշման նախագիծն այսօր Կառավարության հավանությանը ներկայացրեց առողջապահության փոխնախարար Անահիտ Ավանեսյանը։
«Սոցիալապես անապահով և հատուկ խմբերում ընդգրկվածների բժշկական օգնության համար հատկացնել լրացուցիչ 5․1 միլիարդ դրամ՝ սրտի վիրահատական ծառայությունների և նորագույն տեխնոլոգիաներով մատուցվող բժշկական ծառայություններից պետպատվերով օգտվող շահառուների շրջանակն ընդլայնելու և մարդու օրգանների՝ 12 երիկամի և 11 ոսկրածուծի փոխպատվաստման հաամր։ Այս փոփոխություններից ընդհանուր առմամբ օգտվելու է 500 հազար քաղաքացի։ Նախատեսված փոփոխություններով 0-18 տարեկանների բժշկական ծառայությունների մատուցումը կդառնա անվճար (մինչ այժմ 0-7 տարականներն էին բժշկական ծառայություններից օգտվում անվճար խմբ․)»,- առաջարկվող փոփոխությունների փաթեթը ներկայացրեց փոխնախարարը։
«Բուժաշխատողների աշխատավարձը ևս առաջարկվում է բարձրացնել»,- հավելեց փոխնախարարը։
Վարչապետ Նիկոլ Փաշինյանը Կառավարության անունից շնորհակալություն հայտնեց Հայաստանում տնտեսական գործունեություն զբաղեցնող, պարտաճանաչ հարկեր վճարող տնտեսվարողներին, որի արդյունքում գործադիրը կարողանում է ավելացնել Առողջապահության նախարարությանը հատկացված ֆինանսական միջոցները։
