11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
Հայաստանի տնտեսական դաշտը ընկալել և մարսել է տնտեսական հեղափոխության վերաբերյալ Կառավարության մեսիջները․ Նիկոլ Փաշինյան․ ՏԵՍԱՆՅՈՒԹ
Քաղաքականություն
27.06.2019 | 11:22
Առաջին եռամսյակի տվյալներով արտահանման ոլորտում որոշակի մտահոգություններ կային, սակայն մեր վերլուծությունները ցույց են տալիս, որ այս տարվա կտրվածքով կունենանք արտահանման ծավալների շոշափելի աճ։ Այս մասին այսօր՝ հունիսի 27-ին, Կառավարության նիստի օրակարգի հարցերի քննարկումից առաջ գործադիրի անդամներին ասաց ՀՀ վարչապետ Նիկոլ Փաշինյանը։
«Շատ կարևոր է արձանագրել, որ արտահանման կառուցվածքում տնտեսության ճյուղերի ազդեցության փոփոխություն է տեղի ունեցել․ եթե նախորդ տարի արտահանման ծավալների մեջ մշակող արդյունաբերության կշիռը կազմում էր 62․8 տոկոս, ապա այս տարի կազմում է 64,6 տոկոս, այսինքն՝ արձանագրվել է աճ՝ 1,8 տոկոսային կետով, իսկ հանքահումքային արտադրանքի արտահանման կշիռը նվազել է՝ կազմելով 25 տոկոս, նախորդ տարվա 27,6 տոկոսի փոխարեն»,- արտահանման ծավալների վիճակագրությունը ներկայացրեց Փաշինյանը՝ ընդգծելով, որ առաջին հինգ ամիսների տվյալներով, բավական մեծ աճ է (29.5 տոկոս) արձանագրել տեխնոլոգիատար ապրանքների արտահանումը։
Ըստ Փաշինյանի՝ այս թվերը վկայում են այն մասին, որ Հայաստանի տնտեսական դաշտը ընկալել և մարսել է տնտեսական հեղափոխության վերաբերյալ Կառավարության մեսիջները։
Մանրամասները՝ տեսանյութում։
