13.10.2026 | 22:55
Նոր Արեշի տներից մեկում հրդեհ է բռնկվել
Ընտանիքում կնասպանության վերջին 2 դեպքում բռնարարները գրանցված են եղել հոգեբուժական հաստատությունում. Նելլի Դուրյան. ՏԵՍԱՆՅՈՒԹ
Հասարակություն
26.06.2019 | 12:16
«Հոգեբուժական հաստատություններում իսկապես խնդիր ունենք։ Ընտանիքում կնասպանության վերջին երկու դեպքում էլ բռնարարները գրանցված են եղել հոգեբուժական հաստատությունում: Այստեղ խնդիր ունենք նրանց բուժման առումով, պարզվեց, որ մեկն ընդհանրապես դեղորայք չի ստանում»,- «Անցումային արդարադատության համատեքստում խոշտանգումների զոհերի իրավունքների վերականգնման մեխանիզմները» թեմայով հանրային քննարկմանն ասաց ՀՀ ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության պետ, ոստիկանության գնդապետ Նելլի Դուրյանը։
Նրա ներկայացմամբ՝ կան երեխաներ, որոնք ակնհայտորեն դրսևորում են այլ վարքագիծ, և լավ կլիներ՝ համապատասխան ծառայություններ ստեղծվեին նրանց օգնելու համար:
«Երեխաները հայտնվում են փողոցում մուրացիկի կարգավիճակում, և նրանց հետ աշխատանքը, կարծես թե, դժվարանում է: Անհրաժեշտ են համապատասխան ծառայություններ»,- ասաց Նելլի Դուրյանը։
Մանրամասները՝ տեսանյութում:
Ռոբերտ Անանյան
