07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Հարկային օրենսգրքի փաթեթն ԱԺ-ն 73 կողմ ձայնով ընդունեց 2-րդ ընթերցմամբ և ամբողջությամբ
Քաղաքականություն
25.06.2019 | 13:01
Ազգային ժողովը հունիսի 25-ի արտահերթ նիստում 2-րդ ընթերցմամբ և ամբողջությամբ ընդունեց Կառավարության ներկայացրած՝ Հարկային օրենսգրքում և կից օրենքների նախագծում փոփոխություններ կատարելու նախագիծը։
Հարկային օրենսգրքին կողմ քվեարկեց 73 պատգամավոր, դեմ՝ 33-ը։
Քվեարկությունից հետո «Իմ քայլը» խմբակցության պատգամավոր Բաբկեն Թունյանը շնորհակալություն հայտնեց կողմ քվեարկած պատգամավորներին և շնորհավորեց տնտեսվարողներին՝ նշելով, որ նրանք այսուհետ ունենալու են ավելի լավ Հարկային օրենսգիրք:
ԱԺ-ն քվերարկեց նաև Կառավարության ներկայացրած «Հայաստանի Հանրապետության քրեակատարողական օրենսգրքում փոփոխություններ և լրացումներ կատարելու մասին», «Ձերբակալված և կալանավորված անձանց պահելու մասին» Հայաստանի Հանրապետության օրենքում փոփոխություն և լրացումներ կատարելու մասին» նախագծերին՝ առաջին ընթերցմամբ։
Արարատ Միրզոյանի կողմից ներկայացված «Ազգային ժողովի կանոնակարգ» սահմանադրական օրենքում և կից ներկայացված օրենքների փաթեթում փոփոխություններ և լրացումներ կատարելու նախագծին առաջին ընթերցմամբ կողմ քվեարկեց 84, դեմ՝ 33 պատգամավոր:
