07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Դուք հիշեք, որ պատգամավոր եք ու կոչով դիմեք ձեր Կառավարությանը․ Կարեն Սիմոնյանը՝ Արեն Մկրտչյանին․ ՏԵՍԱՆՅՈՒԹ
Քաղաքականություն
24.06.2019 | 12:07
Քաղաքացիական ավիացիայի վարչության ղեկավարը Հայաստանում ամենաշատ գործուղման մեկնած պաշտոնյաներից մեկն է, եթե նայենք ծախսերը, դա կտեսնենք, բայց հարց է առաջանում՝ այդ ծախսի արդյունքում մենք ի՞նչ ունենք. այս մասին այսօր Ազգային ժողովում ասաց «Լուսավոր Հայաստան» խմբակցության պատգամավոր Կարեն Սիմոնյանը։
«Քանի՞ նոր չվերթ է բացվել Հայաստանում, քանի՞ նոր ավիաընկերություն է մուտք գործել, ազգային ավիափոխադրող ստեղծվե՞լ է, ի՞նչ նոր հնարավորություններ են կան Գյումրիի և Կապանի օդանավակայանների համար, կա՞ն ծրագրեր, թե դրանք այդպես էլ քննարկումներից այն կողմ չեն անցել»,- հարցեր հնչեցրեց Սիմոնյանը։
Պատգամավորն անդրադարձավ նաև «Իմ քայլի» պատգամավոր Արեն Մկրտչյանի այն հիշեցմանը, որ Էդմոն Մարուքյանը չպետք է մոռանա, որ պատգամավոր է։
«Պարոն Մարուքյանը հաստատ հիշում է, որ ինքը պատգամավոր է, Դուք հիշեք։ Եթե սիրում եք կոչերով դիմել, ապա դիմեք ձեր կառավարությանը, որ աշխատի և արդյունք ցույց տա»,- ասաց «Լուսավոր Հայաստան» խմբակցության պատգամավորը։
Մանրամասները՝ տեսանյութում։
