08.11.2026 | 16:46
Մեր միասնությունն ու եղբայրությունն անխախտ են․ Ալիևը՝ Էրդողանին
Չեխիայում ՀՀ դեսպանը հանդիպել է Չեխիայի Խորհրդարանի Սենատի փոխնախագահին
Քաղաքականություն
21.06.2019 | 21:30
Հունիսի 19-ին Չեխիայում ՀՀ դեսպան Աշոտ Հովակիմյանը հանդիպում ունեցավ Չեխիայի Խորհրդարանի Սենատի փոխնախագահ Միլան Շտյեխի(Milan Štěch) հետ։
«Հանդիպման ընթացքում քննարկվեցին ս․թ․ մայիսի սկզբին Միլան Շտյեխի գլխավորած պատվիրակության՝ Հայաստան կատարած այցից տպավորություններն ու արդյունքները։
Զրուցակիցները քննարկեցին տնտեսական և հատկապես՝ գյուղատնտեսության ոլորտում հայ-չեխական համագործակցության խորացման և ոլորտում ներդրումների խրախուսման հնարավորությունները, անդրադարձան գյուղական համայնքների զարգացման ծրագրերի կարևորությանը և Հայաստանում զբոսաշրջության ու ոլորտային ենթակառուցվածքների բարելավման հեռանկարներին։
Երկուստեք կարևորվեց նաև երկու երկրների տարածաշրջանների միջև համագործակցության ակտիվացման անհրաժեշտությունը։ Դեսպան Հովակիմյանն ու Միլան Շտյեխը քննարկեցին նաև վերջին շրջանում Հայաստանում տեղի ունեցող ժողովրդավարական զարգացումներն ու ընթացիկ բարեփոխումները։ Հանդիպման ավարտին Միլան Շտյեխը ևս մեկ անգամ շնորհակալություն հայտնեց հայկական կողմին՝ Հայաստան կատարած իր այցը բարձր մակարդակով կազմակերպելու համար»,-ասված է ՀՀ ԱԳՆ լրատվական ծառայության տարածած հաղորդագրության մեջ։
