12.06.2026 | 19:55
Դեսպան Արմեն Սարգսյանն իր հավատարմագրերի պատճենն է հանձնել Գանայի ԱԳ նախարարի տեղակալին
Վեթինգից հետո կարո՞ղ է վակուում առաջանալ․ Միքայել Մելքումյանը՝ ԲԴԽ անդամի թեկնածուին․ ՏԵՍԱՆՅՈՒԹ
Քաղաքականություն
21.06.2019 | 16:34
ՀՀ Ազգային ժողովում «Բարգավաճ Հայաստան» խմբակցության պատգամավոր Միքայել Մելքումյանն այսօր խորհրդարանում ԲԴԽ անդամի թեկնածու Վիգեն Քոչարյանին հարց ուղղեց․«Դուք եղել եք արդարադատության նախարարի տեղակալ և եղել եք արդարադատության ոլորտի քաղաքականության մշակողը, մինչև հեղափոխությունը Դուք ի՞նչ գնահատական կտաք արդարադատությանը և վեթինգի իրականացման դեպքում կարո՞ղ է վակուում առաջանալ»։
Պատգամավորին ի պատասխան թեկնածուն ասաց. «Իմ գնահատականներն իմ պաշտոնավարման ընթացքում չեն փոխվել: Երբ ես համաձայնություն էի տալիս դառնալ արդարադատության նախարարի տեղակալ 2012 թվականին, իմ մոտիվացիան եղել է այն, որ ես հնարավորություն ունենամ իմ չափով իմ ավանդն ունենալ իրավիճակների և բարեփոխումների վրա։ Իսկ արմատական բարեփոխումները կարող են նմանվել թռչող ինքնաթիռի վերակառուցմանը։ Դա լուրջ խնդիր է, բայց լուծելի և համապատասխան գործընթացները պլանավորելիս պետք է հաշվի առնենք այն, որ դատարանի բնականոն գործընթացը չպետք է խաթարվի և քաղաքացիները պետք է իրենց իրավունքների դատական պաշտպանության երաշխիքը ունենան»։
Մանրամասները՝ տեսանյութում։
