29.03.2026 | 19:15
Իրանը սպառնում է հարվածներ հասցնել տարածաշրջանում ԱՄՆ-ի և Իսրայելի համալսարաններին
Ձեր պաշտոնավարման ընթացքում փորձե՞լ եք դատավորներից գոնե բացատրություն պահանջել Մարտի 1-ի որոշումների համար․ Անդրանիկ Քոչարյանը՝ ԲԴԽ անդամի թեկնածուին․ ՏԵՍԱՆՅՈՒԹ
Քաղաքականություն
21.06.2019 | 16:20
Ազգային ժողովում այսօր քննարկում է Բարձրագույն դատական խորհրդի անդամի ընտրության հարցը։ Նշենք, որ «Իմ քայլը» խմբակցությունն առաջադրել է Վիգեն Քոչարյանի թեկնածությունը։
ԲԴԽ անդամի թեկնածուին ԱԺ «Իմ քայլը» խմբակցության պատգամավոր Անդրանիկ Քոչարյանը հարցրեց․ «Դուք արդարադատության փոխնախարար եք եղել 2015թ.-ից, այսինքն՝ եղել եք Դավիթ Հարությունյանի տեղակալը: Մարտի 1-ից հետո դատարանների որոշ որոշումներ հանրությունը որակել է ապօրինի: Ձեր պաշտոնավարման ընթացքում փորձե՞լ եք դատավորներից գոնե բացատրություն պահանջել այդ որոշումների համար կամ չեք զրուցե՞լ Դավիթ Հարությունյանի հետ»։
Ի պատասխան Վիգեն Քոչարյանը նշեց․ «Ոչ, ասեմ՝ ինչո՞ւ: Իմ լիազորությունները սահմանված են համապատասխան օրենսդրական ակտերով, և դատարանների միջամտության որևէ գործողություն՝ ի դեմս ինձ կամ նախարարի, կհամարվեր իշխանության տարանջատման սկզբունքի խախտում: Միակ հնարավորությունը նախարարի կողմից համապատասխան խախտման վերաբերյալ դիմում ներկայացնելն է: Ես այդ խնդիրներով ոչ անցյալում և ոչ ներկայում չեմ զբաղվել: Այդ որոշումներին, որոնք բացասական են ընդունվել հանրության շրջանում, միջամտելու հնարավորություն չեմ ունեցել։ Իսկ Դավիթ Հարությունյանի հետ զրուցել եմ, բայց զրույցի մանրամասները հանրայնացնելը էթիկայի նորմերին չի համապատասխանում»։
Մանրամասները՝ տեսանյութում։
