08.06.2026 | 14:37
Նիկոլ Փաշինյանին հաջողություն ենք մաղթում․ Վրաստանի խորհրդարանի նախագահ
ԱԺ-ում քննարկվում է ԲԴԽ անդամի ընտրության հարցը․ թեկնածու Վիգեն Քոչարյանին առաջադրել է «Իմ քայլը» խմբակցությունը․ ՏԵՍԱՆՅՈՒԹ
Քաղաքականություն
21.06.2019 | 15:05
Ազգային ժողովում այսօր քննարկվում է Բարձրագույն դատական խորհրդի անդամի պաշտոնում Վիգեն Քոչարյանի թեկնածության հարցը։
Վիգեն Քոչարյանի թեկնածությունն առաջադրել է ԱԺ «Իմ քայլը» խմբակցությունը, իսկ խմբակցության ղեկավար Լիլիթ Մակունցն այսօր խորհրդարանում ներկայացրեց իրենց առաջադրած թեկնածուի կենսագրությունը։
Մակունցը նշեց, որ նախապես թեկնածուին չեն տեղեկացրել իրենց ընտրության մասին։
«Մեր կողմից պետաիրավական հանձնաժողովում ձևավորված աշխատանքային խումբն առանձնացրել է թեկնածուների ցանկը, այդ ցանկը կազմելիս հաշվի են առնվել նաև այն հատկյանիշները, թե տվյալ թեկնածուն հակվա՞ծ է արդյոք դատաիրավական համակարգում բարեփոխումներ կատարել։ Թեկնածուն նախապես տեղյակ չի եղել, որ մենք իրեն ենք ընտրել և դա, կարծում եմ, անաչառության մասին է խոսում»,- ասաց Մակունցը՝ նշելով, որ փաստը, որ Վիգեն Քոչարյանը երեկ երեկոյան ժամը հինգին է իմացել, որ առաջադրվել է ԲԴԽ անդամի պաշտոնում, ամենևին էլ բացթողում չէ։
