09.07.2026 | 22:52
Կոնֆերենցիաների լիգա․ «Փյունիկը» խոշոր հաշվով հաղթեց Մալթայում. ՏԵՍԱՆՅՈՒԹ
Ո՞վ էր յուրացրել Աչաջուր համայնքին հատկացված գումարը (տեսանյութ)
Հասարակություն
11.09.2017 | 20:41
Ոստիկանության կազմակերպված հանցավորության դեմ պայքարի գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչության, Տավուշի մարզային վարչության և Իջևանի բաժնի ծառայողները հետախուզական միջոցառումներով պարզել են, որ նախորդ տարվա մարտին Աչաջուր համայնքի առողջության կենտրոնի խմելու ջրագծի հիմնանորոգման համար հատկացվել է 2.800.000 դրամ:
Հատկացված գումարը Աչաջուր համայնքի ղեկավարությունը յուրացրել է: Բացի այս, դարձյալ նախորդ տարվա մարտին Աչաջուր համայնքի Նորաշեն թաղամասի խմելու ջրագծի հիմնանորագման համար հատկացվել է 630 հազար դրամ: Ոստիկանները պարզել են, որ պաշտոնական դիրքն օգտագործելով՝ 530 հազար դրամը յուրացրել է համայնքի ղեկավարի տեղակալ Նիկոլ Վարդումյանը: Հարուցվել է քրեական գործ: Հանգամանքները քննությամբ պարզվում են:
