19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
2018 թ. 3 պետգույքի մասնավորեցումից ստացված միջոցները կազմել են 213,229 մլն դրամ․ նախարար․ ՏԵՍԱՆՅՈՒԹ
Քաղաքականություն
21.06.2019 | 13:05
Այսօր Ազգային ժողովում տարածքային կառավարման և զարգացման նախարար Սուրեն Պապիկյանը ներկայացրեց «Պետական գույքի մասնավորեցման ծրագրի կատարման մասին» հաշվետվությունը, ըստ որի՝ 2018 թվականին մասնավորեցվել է երեք օբյեկտ՝ «Գեոէկոնոմիկա» ՓԲԸ-ն, «Դիլիջան մանկական հակատուբերկուլյոզային առողջարան» ՓԲԸ-ն և «Տաշիր» կինոցանցի գույքը։
Մասնավորեցման արդյունքում ստացված միջոցները կազմել են 213,229 մլն դրամ, որից` ընկերությունների և գույքի մասնավորեցումից ստացված միջոցները՝ 179,413 մլն դրամ, նախորդ տարիներին մասնավորեցված «փոքր» օբյեկտներից տարաժամկետ վճարման ենթակա վճարումներից ստացված միջոցները՝ 33,816 մլն դրամ:
Ըստ նախարարի՝ աճուրդով մասնավորեցվել են նաև «Վարդենիսի ստոմատոլոգիական պոլիկլինիկա» ՓԲԸ-ն և «Երառ-սպասարկում» ՓԲԸ-ն:
Հաշվետու ժամանակահատվածում Հայաստանի Հանրապետության պետական բյուջեի սեփականաշնորհման հաշվին մուտքագրվել է 166,671 մլն դրամ: 2018 թվականի ընթացքում մասնավորեցումից ստացված միջոցներից համայնքների բյուջեներ փոխանցվել է 46,558 մլն դրամ:
Մանրամասները՝ տեսանյութում։
