Քաղաքականություն
21.06.2019 | 11:27
ԱԺ-ն այսօր քննարկում է «Իմ քայլը» խմբակցության պատգամավոր Գևորգ Պապոյանի հեղինակած «Աղբահանության և սանիտարական մաքրման մասին» օրենքում փոփոխություններ և լրացումներ կատարելու մասին» օրենքի նախագիծը, որի վերաբերյալ «Լուսավոր Հայաստան» խմբակցության պատգամավոր Անի Սամսոնյանը նշեց, որ նախագծով բարձրացրել են հյուրանոցների համար աղբի վճարման դրույքաչափերը և իջեցրել արտադրական աղբի դրույքաչափերը։
«Թափոնների տեսակները տարբեր են և ազդեցություն էլ տարբեր է, և կարծում եմ, որ արտադրական աղբի դրույքաչափերի նվազեցումը ողջամիտ չէ»,- ասաց Սամսոնյանը, ինչի ի պատասխան նախագծի հեղինակ Գևորգ Պապոյանն ասաց, որ հասկանում է, որ ընդդիմության համար նախընտրելի է պոպուլիստական հայտարարություններ անելը։
Ի պատասխան Գևորգ Պապոյանի՝ Անի Սամսոնյանն ասաց․ «Պարո՛ն Պապոյան, ես գեղեցիկ մոտեցա այս ամբիոնին և Ձեզ տվեցի երկու հստակ հարց, իսկ Դուք, որ հպարտությամբ մոտեցաք այդ ամբիոնին և իմ դեմքին շպրտեցիք պոպուլիստ բառը, դրանով չկոծկեցիք Ձեր դիլետանտությունը»։
